Leeds United po i afrohet një hapi për të nënshkruar me Weston McKennie nga Juventus, i cili dëshiron të shkarkojë yllin e Shteteve të Bashkuara.
24-vjeçari tani po kërkon një kalim në “Elland Road”, në një lëvizje që mund t’i kushtojë skuadrës së Premier League vetëm 22 milionë paund (25 milionë euro).
Juventus fillimisht e kishte vënë McKennie në dispozicion për huazim me një opsion për ta blerë, duke nxitur interes nga Leeds.
Sipas “Sky Sport” në Itali, negociatat për mesfushorin janë afër përfundimit për një lëvizje të përhershme, megjithëse dy klubet nuk kanë arritur ende në një marrëveshje për tarifën.
Reprezentuesi amerikan ka dashur gjithmonë të luajë në Premier League dhe e sheh Leeds-in si një mundësi shumë interesante për të jetuar atë ëndërr.
Edhe pse Juve kishte kërkuar 30 milionë euro për të, skuadra e Jesse Marsch duket se do të ketë negociuar me bardhezinjtë për kërkesat e tyre.
McKennie ka impresionuar në Torino, por largimi i tij do të ishte i favorshëm për krizën që goditi skuadrën italiane, e cila është e prirur të sjellë fonde për të investuar në tregun e transferimeve.
Klubi është tronditur nga një zbritje prej 15 pikësh për parregullsi të supozuara financiare, kundër të cilave klubi po apelon.
Rritja e Fabio Miretti dhe Nicolo Fagioli i ka lejuar Masssimiliano Allegri-t të ketë më shumë burime në mesfushë dhe shitja e McKennie do të konsiderohet një rezultat i jashtëzakonshëm për sa i përket lehtësimit të llogarive ekonomike të klubit.
McKennie ka luajtur gjithsej 70 ndeshje duke shënuar nëntë gola. Goditja e tij ajrore kundër Barcelona-s në Champions League ishte një nga më të mirat e tij për skuadrën italiane dhe ai shënoi shumë gola të rëndësishëm në Serie A, të cilat i lejuan Juventus-it të kualifikohej në Champions në dy vitet e fundit.
Fiziku i fortë i McKennie do të jetë me përfitim të madh për Leeds, por ai është i gjithanshëm dhe duket se do të luajë një rol kyç në betejën e tyre kundër rënies nga Premier League, me skuadrën e Marsch vetëm një pikë jashtë zonës së rënies.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
