Ylli i Milanit, Rafael Leao, është gati dhe “plotësisht i ngarkuar” para fillimit të sezonit me Milan-in.
Sulmuesi portugez do të kthehet në Milano të martën në mbrëmje, duke rifilluar stërvitjen me kuqezinjtë në Milanello të mërkurën.
“Kam bërë një pushim pranë familjarëve dhe miqve të mi. Gjithsesi vazhdova stërvitjen dhe jam plotësisht i ngarkuar për të nisur sezonin e ri”, tha Leao për “La Gazzeta dello Sport”..
“Kam folur me trajnerin dhe disa nga bashkëlojtarët e mi dhe kam ndjerë energji pozitive. Falënderoj fansat për mesazhet e shumta që më dërgojnë çdo ditë. Mezi pres të filloj”, shtoi ylli portugez.
Leao nënshkroi një zgjatje të kontratës me Milan-in në maj dhe zgjodhi numrin 10 për sezonin e ardhshëm pas kthimit të Brahim Diaz në Real Madrid.
“Personalisht, kam një dëshirë të madhe për të bërë mirë dhe për të dhënë më të mirën time me këtë ekip dhe këtë numër të ri në një klub që e konsideroj familjen time të dytë”, përfundoi sulmuesi.
Leao në sezonin e kaluar kontribuoi me 16 gola dhe 15 asistime në 48 ndeshje në të gjitha garat me fanellën kuqezi.
Ishte përfolur shumë për një largim të tij gjatë kësaj vere, pasi që oferta me paga të larta mbërritën në drejtim të tij, por ai vendosi që të qëndrojë te Milan-i.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
