Ish ministri i Shëndetësisë dhe deputeti nga radhët e Lidhjes Demokratike të Kosovës, Armend Zemaj, konsideron se Qeveria e ka kthyer në “normalitet” shkeljen e ligjeve dhe të Kushtetutës.
Përmes një konference për media, Zemaj ka thënë se ekzekutivi përveç shkeljeve është duke marrë vendime të dëmshme në vazhdimësi.
“Shkelja e ligjeve dhe Kushtetutës gjatë këtij pushteti e nga ky pushtet ka kaluar në normalitet. Shkel mbi shtetin vetëm për pushtetin. Më shumë se shkeljet është padituria e kësaj Qeverie. Ashtu siç janë shkeljet kushtetuese në vazhdimësi janë edhe tërheqjet dhe vendimet e dëmshme në vazhdimësi”.
“Kjo tërheqje shihet si një lojë e ndytë e Kurtit në raport më dështimin e tij në procesin e dialogut dhe rënien e tij në grackën e Vuçiç-it”, ka thënë Zemaj.
Ndërsa, Shkëmb Manaj, po ashtu nga kjo parti ka thënë se zyrtarët publikë janë duke e gjetur vetën në presion të vazhdueshëm nga partia në pushtet.
“Sot lajm do të ishte nëse ky pushtet nuk shkel ligje dhe Kushtetutë. Gati gjysma e ekipit qeverisës kanë marrë karton të kuq nga shkeljet kushtetuese. Në vend se me u largu, ata mbrohen. Dje Gjykata Kushtetuese i dha një karton të kuq pushtetit absolut”.
“Zyrtarët Publik në secilin institucion janë në presion të madh nga partia në pushtet. Shumica e pozitave të larta drejtuese po funksionojnë me ushtrues detyre”.
Në dy vjet e gjysmë qeverisje në mandatin katër vjeçar, qeveria e udhëhequr nga Albin Kurti e ka shkelur – plotë – pesë herë Kushtetutën e Kosovës.
Gjatë kohës sa ishte në opozitë, Kryeministri i Kosovës, Albin Kurti, ishte mjaft i zëshëm në sulmet dhe denigrimin e atyre personave që Gjykata Kushtetuese vendoste kundër vendimeve të tyre.
Madje, Kurti si opozitar deklaronte: ”Kush e shkelë ligjin është kriminel, kush e shkelë Kushtetutën është superkriminel”.
Por, vetë në pushtet shkeljen e Kushtetutës e ka bërë normë qeverisëse.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Një muaj paraburgim për boshnjakun e dyshuar për krime lufte në Kosovë
-
‘Hungaria mund t’i zvarrisë integrimet evropiane të Kosovës’
-
Jasharaj thotë se Kurti “urdhëroi” Nagavcin mos t’i takojë sindikatat
-
Kosova në Këshill të Evropës dhe Rezoluta e OKB-së për Srebrenicën – Vukotiç: Përgjigje e Perëndimit ndaj mashtrimeve të Vuçiçit
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
Bardhi: Dënoj me forcë aktin kriminal ndaj gjyqtarit Sterkaj
-
Situata në vijën e frontit është përkeqësuar, thotë shefi i ushtrisë së Ukrainës
-
“Në ring s’na ka mposhtur askush”, Ahmeti, VMRO-së: Më 24 prill u përballëm me VLEN-in, më 8 maj me ju
