Lazio – Sampdoria mbaron me targën 1 – 0. (+3)-shi [tre pike] e rendit Lazio-n në vend të katërt në Serie A, duke parakaluar Juventus-in, me një biletë ende jo të prenotuar drejt Ligës së Kampionëve [vetëm një pikë larg Juve-s], përderisa bardhezinjtë e “Zonjës së Vjetër” [Juventus] presin dhe dy ndeshjet e fundit.
Sidoqoftë, ka ende kohë për atë llogari. Protagonisti i këtij takimi ishte padyshim Luis Alberto për të kaltërit, të cilit pasi i jepet një top kundërsulmi, vrapon aq sa vendoset brenda drejtkëndorit të portës kundërshtare dhe me një driblim të shpejtë në të djathtë, shmang murin mbrojtës [katër mbrojtës] mjaft për t’i lejuar fushëpamje të lëshoi një top të saktë pranë shtyllës së djathtë të portës sampdoriane.
Momenti qe i shpejt dhe deri diku i pamundur për Emilio Audero Mulyardi-n, rojtari i portës së Sampdoria-s.
Vedat Muriqi pati momentet e tij por asnjë finalizim rezultativ.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
