Ministri i Jashtëm rus, Sergej Lavrov, të premten e 25 shkurtit, ka deklaruar se “askush nuk do të sulmojë popullin e Ukrainës”.
Pavarësisht sulmeve nga forcat ruse, ai tha se “nuk do të ketë sulme në infrastrukturën civile”.
“Do të theksoj: lexoni çfarë tha Putin. Asnjë goditje në infrastrukturën civile, asnjë goditje ndaj personelit të ushtrisë ukrainase, në konviktet e tyre, apo vende të tjera që nuk lidhen me objektet ushtarake. Statistikat që kemi, e konfirmojnë këtë”, tha Lavrov.
“Askush nuk do të godasë Forcat e Armatosura të Ukrainës. Po flasim për parandalimin e neo-nazistëve dhe atyre që promovojnë gjenocidin nga sundimi i këtij vendi”, vijoi ai.
“Regjimi aktual në Kiev është nën dy mekanizma kontrolli të jashtëm. Së pari, Perëndimi dhe SHBA-të. Dhe së dyti, neo-nazistët”, tha ai, duke përsëritur pretendimet e pabaza që janë refuzuar vazhdimisht nga presidenti ukrainas, Volodymyr Zelensky.
Për të lexuar zhvillimet e plota kliko KËTU
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Jo më qendra emigrantësh në Shqipëri, Rama: Marrëveshja është ekskluzive për Italinë
-
Akuzohen për vjedhje, AMP ekzekuton masat e sigurisë për 22 punonjës policie në Kukës
-
Çfarë nënkupton zgjedhja e Marta Kos si Komisionere e Zgjerimit?
-
Kurti për doganierin e EULEX-it të vrarë në Veri: U qëllua me gjakftohtësi
