Lampard pritet të jetë trajner i përkohshëm te Chelsea

Frank Lampard mund të rikthehet edhe një herë në postin e trajnerit te skuadra e Chelsea-t, por këtë herë si trajner i përkohshëm deri në fund të sezonit.

Sipas asaj që shkruan gazetari i njohur italian, Fabrizio Romano, blutë e Londrës do t’ia besojnë stolin Lampard-it.

Lampard ka qenë pa punë që kur u shkarkua nga Everton- në në muajin janar, derisa ai drejtoi Chelsean nga korriku i vitit 2019 deri në janarin e vitit 2021, përpara se të shkarkohej dhe të zëvendësohej nga Thomas Tuchel.

Frank Lampard, open to accept Chelsea job until June — discussions with the representatives are already advanced. 🚨🔵 #CFC

Final green light up to Chelsea owners.

ℹ️ Chelsea have new round of talks already scheduled with Nagelsmann, Liis Enrique and long term job candidates. pic.twitter.com/do0XcHqAZG

— Fabrizio Romano (@FabrizioRomano) April 5, 2023

Një kërkim për një pasardhës të përhershëm të Graham Potter do të vazhdojë në javët në vazhdim.

Julian Nagelsmann, Luis Enrique dhe Roberto De Zerbi janë trajnerët që skuadra londineze po negocion me ta për ta marrë drejtimin e klubit nga sezoni i ardhshëm.

Kutjojmë që Chelsea në këtë sezon është larg objektivave, pasi për ta arritur një vend në zonën Champions, është thuajse e pamundur.

Ata tani janë në çerekfinale të Ligës së Kampionëve dhe kundërshtari i tyre është Real Madrid-i.

Kujtojmë që Lampard sa ishte futbollist, e kaloi thuajse tërë karrierën e tij me skuadrën e Chelsea-t.

Ai qëndroi 13 vite aty, duke luajtur në 648 ndeshje në të gjitha garat, prej të cilave kishte shënuar 211 gola dhe kishte dhuruar 145 asistime.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.