Lajm fantastik për Shqipërinë, UEFA i beson edhe disa ndeshje të Ligës së Kampionëve në futsall
Një tjetër lajm pozitiv ka ardhur për Shqipërinë nga UEFA. Organi më i madh i futbollit në Europë i ka besuar organizimin e disa ndeshjeve për Ligën e Kampionëve 2021/22 në futsall.
Shqipërisë iu besua nga UEFA, organizimi i turit para-eleminator në Ligën e Kampionëve 2021/22 në futboll dhe gjithashtu finalja e Ligës së Konferencave në 2022.
Liga e Kampionëve në futsall për këtë sezon do të ketë tetë grupe me nga katër skuadra. KF Tirana do të jetë pjesëmarrëse, si kampionia e fundit e Kampionatit të Futsallit në Shqipëri.
Klubi kryeqytetas është shortuar në Grupin C së bashku me Haladas VSE (Hun), FC Differdange 03 (Luks) dhe Utleira Idrettslag (Nor). Të gjitha ndeshjet e këtij grupi do të zhvillohen në Shqipëri.
Në ditët në vijim do të përcaktohet edhe kalendari i ndeshjeve me datat kur do të zhvillohen këto sfida.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Moody’s me vlerësim ‘pozitiv’ për Shqipërinë, ulet borxhi dhe rritet ekonomia
-
Kryediplomati grek: Greqia do të abstenojë për anëtarësimin e Kosovës në KiE
-
Izraeli, palestinezët dhe sauditët – Rreziku diplomatik i Biden për të riparuar Lindjen e Mesme
-
Pse Kurti nuk mori pjesë në tubimin e “VLEN-it” në Gjermani?
