Lajçak takon O’Brien: Duam të shohim Ballkanin te ecë përpara

Ballkani ka qenë tema e diskutimit në takimin e së martës mes Miroslav Lajçak-ut dhe James O’Brien.

Ky takim i të Dërguarit Special të Bashkimit Evropian për dialogun Kosovë-Serbi me Ndihmës Sekretarin Amerikan të Shtetit për Evropën dhe Euroazinë është zhvilluar në Zvicër, para fillimit të punimeve në Forumin Ekonomik Botëror (WEF) në Davos.

“Është e rëndësishme që kjo bisedë për Ballkanin të bëhet pikërisht në fillim të vitit. Ne duam të shohim rajonin duke ecur përpara për të mirën e qytetarëve të tyre”, shkroi Lajçak në platformën X.

Top-diplomati sllovak theksoi se “është mirë të rikonfirmojmë se jemi plotësisht në të njëjtën linjë”.

Kicked off my week in Davos 🇨🇭with @StateEUR Jim O’Brien. Important to have this conversation about the Balkans right at the beginning of the year. We want to see the region moving forward for the benefit of their citizens. Good to reconfirm that we are fully on the same page. pic.twitter.com/9Rz9vFL4WT

— Miroslav Lajčák (@MiroslavLajcak) January 16, 2024

Në Forumin Ekonomik Botëror (WEF) në Davos, Lajçak të hënën ka takuar edhe Zëvendëskryeministrin e Kosovës, Besnik Bislmi.

Bislimi dhe Lajçak janë pajtuar se zbatimi i Asociacionit të Komunave me Shumicë Serbe dhe pikave të tjera të Marrëveshjes së Rrugës Drejt Normalizimit ndërmjet Kosovës dhe Serbisë arritur në Bruksel dhe e përforcuar me Aneks në Ohër është urgjencë.

“Para Davos-it, u takova me Zëvendëskryeministrin e parë të Kosovës, Besnik Bislimi, për të diskutuar një numër të madh temash për Dialogun dhe pritjet në avancimin e normalizimit të raporteve me Serbinë në periudhën që po vjen”, shkroi në platoformën “X”, Lajçak.

Për të përfunduar me fjalinë kryesore se “u pajtuam që zbatimi i shpejtë i Marrëveshjes në Rrugën Drejt Normalizimit është urgjent”.

Lajçak takim do të ketë edhe me vetë Kurtin, i cili tashmë ka udhëtuar drejt Davos-it.

Gjithashtu do të takohet me palën tjetër, saktësisht me Aleksandër Vuçiç-in, presidentin serb, po ashtu për të diskutuar drejt zbatimit të pikave të Marrëveshjes.

Derisa disa nga këto pika, siç është ajo për targat dhe energjinë elektrike veçse janë zbatuar.

Në anën tjetër, jo kaq të qarta janë gjërat në Kosovë.

As Bislimi, por as Kurti nuk thonë se implementimi i Asociacionit dhe pikave të tjera të marrëveshjes janë urgjencë.

Madje, vënë dyshime në vetë marrëveshjen e arritur në Bruksel e Ohër, duke potencuar faktin se ajo mund të mos jetë e vlefshme, meqë është pajtim pa nënshkrim.

Prejse ka filluar dialogu në Bruksel nën udhëheqjen e Kurtit e Bislimit, është trajtuar me këto dy paralele ku tjetër flitet në takimet me liderët perëndimorë dhe tjetër me publikun në Kosovë.

Gjithsesi, fillimi i zbatimit të pikave dhe fakti se është pranuar një draft-statut për Asociacionin, i ka bërë gjërat më të qarta.

Tashmë, edhe nga vetë pushteti në Kosovë, pranohet se Asociacioni është i pashmangshëm. Por, tani thuhet se këta janë përkujdesur që t’u ikin pikave problematike që Asociacioni prezantonte në të kaluarën.

Edhe ky, një konstatim i mjegullt, meqë nëse merret Marrëveshja e vitit 2013, aty ku lind Asociacioni dhe krahasohet me draftin e statutit të prezantuar rishtasi në vitin që shkoi, shihet se marrëveshja e para 10 vjet është e inkorporuar krejtësisht në draft.

Bislimi pajtohet me Lajçak-un se zbatimi i Asociacionit dhe pikave të tjera është urgjencë

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.