Kosova

Lajçak takon O’Brien, diskutojnë për zhvillimet në Ballkanin Perëndimor


James O'Brien dhe Miroslav Lajçak

I deleguari i Bashkimit Evropian për dialogun, Miroslav Lajçak, ka njoftuar se të mërkurën në Bruksel është takuar me Ndihmëssekretarin Amerikan të Shtetit për Evropë dhe Euroazi, James O’Brien.

Nëpërmjet një postimi në platformën sociale, X, diplomati sllovak, ka potencuar se në takim me O’Brien është diskutuar për zhvillimet në Ballkanin Perëndimor dhe për pritshmëritë për të ardhmen.

Ndryshe O’Brien në maj të këtij viti kishte mirëpritur në Uashington, Lajçak, ku në një takim ishte biseduar mbi strategjinë për të çuar përpara Kosovën dhe Serbinë në procesin e dialogut.

“SHBA-ja mbështet fuqishëm dialogun si rrugë drejt marrëdhënieve paqësore dhe produktive”, kishte shkruar O’Brien.

Për takimin në fjalë ishte deklaruar edhe vetë Lajçak, i cili kishte potencuar se në takim është rikonfirmuar bashkëpunimi i shkëlqyer në mes të BE-së dhe SHBA-ve.

“Kënaqësi ta takoj O’Brien e Escobar në Uashington për të diskutuar rrugën përpara në dialog dhe çështje të tjera rajonale në Ballkanin Perëndimor”, ka shkruar ai në platformën sociale, X.

O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore