Nën strehën e çadrës, i dërguari special i Bashkimit Evropian për dialogun Kosovë-Serbi, Miroslav Lajçak, iu afrua zyrave kryesore të Partisë Demokratike të Kosovës, në Prishtinë, mesditën e kësaj të premte.
Në hyrje ai u prit nga Bernard Nikaj, i cili aktualisht ushtron pozitën e antëtarit të partisë, i cili e shoqëroi deri në zyrën e takimeve, ku u prit nga kreu i partisë, Memli Krasniqi, për të filluar kështu takimin e paracaktuar shumë më herët.
Përveç Krasniqit e Nikajt, në këtë takim me Lajçakun të pranishëm ishin edhe nënkryetarja e PDK-së, Vlora Çitaku, dhe Bekim Çollaku.
Gjatë të premtes, Lajçak do të takohet edhe me kryetarët e LDK-së dhe AAK-së.
Me kryetarin e AAK-së në 11:45, ndërsa do të jetë në LDK në orën 14:45.
Një ditë më parë ai është takuar edhe me kryeministrin Kurti e presidenten Osmani, takime të cilat i ka cilësuar konstruktive në procesin e dialogut.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
MPJD: Jankoviç sapo është liruar dhe ndodhet rrugës për në Kosovë
-
Guterres e cilëson “incident të rëndë të sigurisë” terrorizmin në Banjë, kërkon që përgjegjësit të dalin para drejtësisë
-
Komandanti i KFOR-it ftohet nga Serbia në stërvitjen ushtarake që organizohet 30 kilometra nga kufiri i Kosovës
-
“Antena M”: Serbia hartoi një plan për pushtimin e veriut të Kosovës – disa shtete mund ta pamundësojnë reagimin e KFOR-it
