Ylli i muzikës botërore, Lady Gaga, ka ndarë një mesazh prekës me publikun e saj japonez në 10 vjetorin e Tërmetit dhe Tsunamit, Tohoku.
Këngëtarja 34 vjeçare ,publikoi një video në llogarinë e saj të Twitter, duke shpërndarë një mesazh të veçantë për ndjekësit e saj në Japoni, për të cilët vlerësoi forcën, mirësinë dhe dashurinë e tyre pas ngjarjes shkatërruese.
Me 11 mars tw vitit 2011, një tërmet me madhësi prej 9.0 shkallë të rihterit, shkaktoi një Tsunami masiv që në rajonin e Japonisë Tohoku, ku rreth 20,000 njerëz u vranë ose u deklaruan të zhdukur pas katastrofës.
Duke ndarë një mesazh sensitiv, Lady Gaga u shpreh:
“Përshëndetje Japoni, jam unë, Lady Gaga. Më duket sikur ka ndodhur dje, kur kujtoj që isha duke parë pamjet e tërmetit shkatërrues dhe tsunamit në lajme dhe duke menduar se çfarë mund të bëj për të ndihmuar?”.
Gaga, thotë të ketë bërë shumë telefonata atë ditë.
“Përgjatë viteve që pashë dhe dëgjova për rimëkëmbjen e madhe të qyteteve tuaja të bukura, unë kam aq shumë respekt për njerëzit e Japonisë për forcën, mirësinë dhe dashurinë tuaj për njëri-tjetrin” shtoi më tej ylli i hitit “Poker Face”.
Sipas saj, historitë frymëzuese si kjo ju japin shpresë njerëzve që tani po luftojnë përmes pandemisë Covid në të gjithë botën.
Ajo po ashtu i ftoi fansat e saj që të vazhdojnë të mbështesin të gjithë, dhe të jenë të mire e ta duan njëri-tjetrin.
“Japoni, unë jam gjithmonë duke u lutur për ty, ne ende jetojmë në një kohë të vështirë me koronavirusin, kështu që ju lutemi kujdesuni për veten dhe jini të mirë me veten dhe me njerëzit përreth jush. Unë pres që së shpejti të kthehem në Japoni.” shkruan, Gaga.
Lady Gaga më pas u dha një puthje fansave të saj japonezë duke ju drejtuar me fjalën “aisitemasu”, që në gjuhën shqipe do të thotë “të dua”.
Kujtojmë qe tërmeti dhe tsunami çuan gjithashtu në katastrofën bërthamore “Fukushima” që ishte katastrofa më e rëndë bërthamore në botë që nga Çernobili.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
