Lady Gaga ka njoftuar se do të luajë së bashku me Joaquin Phoenix në vazhdimin e ardhshëm të filmit, “Joker”.
Regjisori dhe bashkë-skenaristi i filmit të vitit 2019, Todd Phillips, në qershor të këtij viti ka konfirmuar se është duke punuar për vazhdimin e filmit që do të titullohet “Joker: Folie a Deux”.
Gaga në një postim të bërë në rrjetin social Twitter, zbuloi se filmi i ri është planifikuar të shfaqet në kinema me 4 tetor të vitit 2024.
Joker: Folie à Deux
10.04.24 pic.twitter.com/obp7T9lBFL— Lady Gaga (@ladygaga) August 4, 2022
Megjithëse nuk u dhanë detaje për rolin e saj, revista “Variety”, raportoi në fillim të kësaj vere se Gaga ishte në bisedime për rolin e Harley Quinn.
Harley Quinn më parë është luajtur nga aktorja australiane Margot Robbie, në tre filmat e DC – “Suicide Squad” të vitit 2016, “Birds of Prey” të vitit 2020 dhe “The Suicide Squad” të vitit 2021.
“Joker” ishte një hit në arkë dhe i dha Phoenix-it, Oscar-in e tij të parë për rolin e tij, si personazhi kryesor.
/Albanianpost.com
