“Lady Death” – Vritet në Ukrainë komandantja e parë ruse

Të gjithë e quanin “Lady Death” (zonja e vdekjes), sepse ngazëllehej dhe argëtohej kur eliminonte kundërshtarët.

Mirëpo kolonelja Olga Kachura, 52-vjeçare, gjeti vdekjen në sheshbetejë, në rajonin e Donbassit, gjatë luftimeve në Ukrainë.

Ajo u godit nga një predhë teksa po voziste automjetin e saj, në qytetin e Horlivka-s.

Kachura, nënë e dy fëmijëve, kryente rolin e hetueses në një departament policie në Ukrainë, ku kishte arritur gradën e toger-koloneles.

Mirëpo, në vitin 2014, kur u aneksua gadishulli i Krimesë, ajo dezertoi miqtë dhe shkoi me kolegët e saj filorusë të rajonit të Donbassit.

Gjatë luftës në Ukrainë ndërkohë, i ishte dhënë komanda e një divizioni me 140 ushtarë, i cili ka zhvilluar bombardime në Donetsk.

Gjatë betejave, ajo ishte plagosur disa herë, por plagët patën qenë sipërfaqësore dhe i mbijetoi pa problem atyre.

Mirëpo, fati nuk e deshi që ta “gëzonte lavdinë” e emrit që mbart, në krah të moskovitëve.

Njoftimi, u dha i thjeshtë mes të sajëve: Vdiq zonja e vdekjes!

Mjaftueshëm ironi e fatit…

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.