Familja

Kush tha që pleqëria është fundi i dashurisë?


Dashuria në pleqëri është diçka që rrallë e shohim përreth nesh. Ajo është parë më shumë në televizione ose në filma. Madje, shumë çifte më të reja duket se e mohojnë të këtë një ndjenjë të tillë në moshë të thyer.

Ky është një konstatim i padrejtë, pasi dashuria në pleqëri është po aq e vlefshme sa në rini. Mbi të gjitha, nëse ka ndonjë gjë të vërtetë, është të gjesh shoqëri teksa plakesh.

Sidoqoftë, ka probleme që lidhen me takimet në moshë të madhe. Ka arsye që e bëjnë atë më të komplikuar dhe më pak të njohur ose të reklamuar. Problemi i parë është se sasia e viteve të jetuara rrit në mënyrë drastike sasinë e bagazhit që ka të ngjarë të kemi nga marrëdhëniet e mëparshme.

Kjo do të thotë që ju jo vetëm dilni me një person, por tërë historinë e tij. Kjo mund t’i bëjë gjërat të komplikuara. Por ka dhe mundësi të jeni mësuar me një rutinë të caktuar me të cilën jeni rehat e të lumtur dhe nuk doni që t’ju prishet.

Atëherë mund të duket si një përmbysje e madhe për të futur dikë të ri në jetën tuaj, ose të filloni të dilni me dikë.

Jepini vetes një mundësi

Këto janë arsye që takimi në këtë moshë është më i vështirë dhe më pak i zakonshëm. Sidoqoftë, nuk janë arsye, të cilat nuk mund ose nuk duhet të ndodhin, dhe është akoma shumë e mundur të kapërcehen ose të anashkalohen këto pengesa.

Nëse e bëni këtë, atëherë mund t’i jepni vetes një mundësi të re dhe të filloni të shijoni vitet tuaja më të mëdha.

Nëse po qëndroni beqarë në kujtim të një partneri të mëparshëm, atëherë duhet ta dini që nuk është ajo që ata do të dëshironin për ju. Po, është e mundur të argëtoheni dhe shoqëroheni pak pa “zëvendësuar” dashurinë e jetës suaj.

Sapo të takoni dikë që ju intereson, atëherë mund të jeni seriozë ose ndryshe siç ju pëlqen. Të gjitha marrëdhëniet nuk kanë domosdoshmërish të përfundojnë në martesë ose të përfshijnë seks.

Në këtë moshë ju bëni rregullat dhe nëse vendosni udhëzime të qarta në fillim, atëherë mund të shijoni një marrëdhënie që do t’ju japë të dyve atë që ju nevojitet pa u ndërlikuar shumë. Nuk është kurrë vonë për t’u rikthyer. Kur ta bëni këtë do të shihni se avantazhet mbizotërojnë rrënjësisht mbi vështirësitë teksa gjeni një partner për të ndarë jetën tuaj.

Plakja fizike nuk do të thotë domosdoshmërish rënie e shëndetit ose mirëqenies emocionale.

Dashuria ka potencial të pamasë. Ka fuqinë të transformohet. Është një energji e fuqishme në zhvillimin njerëzor.

/Albanianpost.com


Lajmet kryesore