Kusari-Lila: Sërish dështoi mbledhja e Kryesisë, opozita është duke bojkotuar pa arsye

Shefja e grupit parlamentar nga Lëvizja Vetëvendosje, Mimoza Kusari-Lila, pas mbledhjes së kryesisë së Kuvendit ka bërë të ditur se mbledhja e kryesisë është bojkotuar nga nënkryetarët e Partisë Demokratike dhe Lëvizjes Vetëvendosje.

Kështu duke dështuar sërish.

Por, në një konferencë për media ajo ka thënë se janë mobilizuar për mbajtje të kuorumit dhe votim të suksesshëm në seancë.

“Në këtë mbledhje munguan dy nënkryetarët nga PDK dhe LDK “,deklaroi ajo.

Ndërsa shtoi, “se do të vazhdojnë me punën e Kuvendin sipas kompetencave. Sot kemi një seancë që është vazhdim i seancës, të enjten seancë të re”, tha Kusari-Lila.

E pyetur nga gazetarët edhe për shpërbërje të Kuvendit, ajo tha se për këtë gjë duhen 2/3 e votave të deputetëve.

“Kuvendi për shpërbërje duhet të ketë 2/3 ne nuk shohim që ka telashe në Kuvend përveç atyre që po i krijon opozita. Ne do të vazhdojmë me atë që na lejon rregullorja e Kuvendit dhe Kushtetua. Sesioni pranveror vazhdon punën deri në fund të korrikut”, tha Kusari-Lila.

“Ne nuk shohim se ka telashe në Kuvend, përveç atyre që po i krijon opozita”.

Ndër të tjera, ka sqaruar edhe ligjet që janë në agjendë për të kaluar në Kuvend.

“Aktualisht në seancë gjithashtu në agjendë është edhe ligji për tatimin në pronë. Një çështje e cila shkaktoi shumë debat dhe mbeti në nivelin lokal dhe qendror për t’u shqyrtuar, tashmë ka ardhur edhe ligji për fondin sovran, ligji për investime të qëndrueshme, ligji për zonën ekonomike, ligji për reformën në skemën pensionale që do të ndikoj dhe do të ketë efekt të drejtpërdrejt në 70 mijë pensionistë”.

Edhe më 3 korrik, kishte dështuar që të mbahet mbledhja e Kryesisë së Kuvendit të Kosovës në mungesë të kuorumit pasi Lidhja Demokratike e Kosovës nuk ka marr pjesë në mbledhje.

Shefi i grupit parlamentar të LDK-së, Arben Gashi, deklaroi para gazetarëve se partia e tij nuk ka marr pjesë në mbledhjen e kryesisë për shkak të situatës së krijuar pas sanksioneve që Bashkimi Evropian ia ka vendosur Kosovës.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.