Kryeministri i Kosovës, Albin Kurti është takuar me kryetarin e Kuvendit të Maqedonisë së Veriut, Talat Xhaferi.
Takimi ka qenë i mbyllur për media, rreth takimit ka informuar Zyra e Kryeministrit.
Në takimin Kurti – Xhaferi, është ngritur shqetësimi për milatarizimin e Serbisë dhe kërcënimin që paraqet kjo për paqe dhe stabilitetin në Ballkan.
“Kryeministri Kurti theksoi se këtë situatë e rëndon mohimi i njohjes së Kosovës nga Serbia, mohimi i krimeve të kryera nga Serbia në luftën e viteve 1998-1999 si dhe refuzimi i Serbisë për të vendosur sanksione ndaj Rusisë”, thuhet tutje aty.
Në këtë takim është biseduar edhe për progresin e zbatimit të marrëveshjeve të nënshkruara në mbledhjen e përbashkët në mes dy vendeve.
“Marrëdhëniet e shkëlqyera ndërmjet Republikës së Kosovës dhe Republikës së Maqedonisë së Veriut, dhe hapat e mëtejmë për shtimin e bashkëpunimit, ishin në qendër të takimit të sotëm të Kryeministrit të Republikës së Kosovës, Albin Kurti, me Kryetarin e Kuvendit të Republikës së Maqedonisë së Veriut, Talat Xhaferi”, thuhet në njoftimin e Zyrës së Kryeministrit.
Kurti ka shprehur vullnetin e Qeverisë së Kosovës për të rritur koordinimin ndërinstitucional dhe për të thelluar më tej raportet ndërshtetërore miqësore.
Në anën tjetër, edhe kryeparlamentari Xhaferi, ka shprehur mbështetjen e pa rezervë të vendit të tij për synimet e Kosovës dhe për të gjitha nismat për anëtarësim në organizata ndërkombëtare.
“Duke biseduar për kontekstin aktual politik dhe gjeopolitik të rënduar, pas invazionit rus dhe agresionit ushtarak në Ukrainë, u theksua interesimi për të koordinuar politikën e jashtme në linjë me orientimin euroatlantik të të dyja vendeve dhe në raport me aleatët ndërkombëtarë”.
Kryeministri i Kosovës, është shprehur se duhet të jemi të kujdesshëm, “teksa nuk frikësohemi”.
“Ndërsa, z.Xhaferi tha se beson që këto zhvillime kanë ndikuar në ndërgjegjësimin e Bashkimit Evropian dhe NATO-s, për të përshpejtuar procedurat e anëtarësimit të shteteve të Ballkanit Perëndimor që janë në këto procese”, thuhet tutje në komunikatë.
Më 4 mars, Kryetari i Kuvendit të Maqedonisë së Veriut, Talat Xhaferi, i cili është në një vizitë zyrtare në Kosovë, në një konferencë të përbashkët me homologun e tij kosovarë Glauk Konjufca, ka potencuar se shteti i tij mbështet Kosovën në rrugën e saj drejtë anëtarësimit në NATO.
Sipas tij, Maqedonia e Veriut është në dispozicion të ndajë me elitat politike kosovare njohuritë dhe përvojat e fituara nga rrugëtimi i saj në bllokun perëndimor të sigurisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Musliu-Shoshi për Kurtin dhe VV-në: Qëllimi i tyre është zhbërja e Kosovës
-
Escobar: Asociacioni dhe Këshilli i Evropës janë të ndërlidhura, s’e kuptojmë pse Kosova s’e përmbush obligimin
-
Dëshmitë e gjashtë dëshmitarëve me shkrim ndaj ish krerëve të UÇK-së pranohen pjesërisht
-
Hoti: Qeveria Kurti i ka bërë dëm të madh dhe afatgjatë integrimit euro-atlantik të vendit
Lajmet kryesore
-
KSHZ: Deri në orën 13:00 votuan mbi 300 mijë qytetarë
-
SHBA-të pro nismës socialiste për sundimin e ligjit: Premtuese për luftën ndaj korrupsionit
-
“Të mendojnë për sigurinë e tyre, jo për Ukrainën”, bisedat e hakëreve që kryen sulm kibernetik ndaj Kosovës – Maqedonci për AP: Përtej motivit të hakmarrjes pati qëllim destabizlimin
-
Escobar: Asociacioni dhe Këshilli i Evropës janë të ndërlidhura, s’e kuptojmë pse Kosova s’e përmbush obligimin