Kryeministri i Kosovës, Albin Kurti, ka thënë se është tronditur nga lajmi për sulmin me armë zjarri ndaj autobusit me nxënës në Gllogjan të Deçanit, ku mbetën të vdekur tre persona dhe një i plagosur ndërsa ka siguruar se Policia e Kosovës është duke hetuar krimin.
Ai ka shprehur ngushëllime familjeve dhe shokëve e shoqeve që humbën më të dashurit e tyre në këtë sulm.
“Në emrin tim dhe në emër të Qeverisë së Republikës së Kosovës, u shpreh ngushëllimet më të sinqerta familjeve, shokëve e shoqeve, që humbën më të dashurit në këtë sulm”.
Kryeministri Kurti të plagosurit nga ky sulm i ka dëshiruar shërim të shpejtë.
“Policia është mobilizuar me kapacitetet e saj të plota për ta hetuar këtë krim të rëndë, e për të mundësuar drejtësi”, ka shkruar Kurti në Facebook.
