Kurti premton përmirësimin e kushteve për Njësinë Speciale

Kryeministri i Kosovës, Albin Kurti në përvjetorin e 15-të të themelimit të Njësisë Speciale Intervenuese në kuadër të Policisë së Kosovës, ka vizituar kampin e kësaj njësie, me ç’rast ka premtuar përmirësimin e kushteve të tyre.

Sipas Kurtit, qeveria të cilën ai e udhëheqë është plotësisht i vetëdijshëm për për nevojat e tyre dhe për mungesat që ekzistojnë dhe gjithashtu për mundësitë që duhet t’i shtojnë, prej çështjes së mungesës së pajisjeve dhe armatimit në disa prej njësive, mbrojtjeve shtesë në kushtet e rrezikshmërisë së lartë dhe çështjes së pagës.

“Nevojat dhe mungesat e tilla do të trajtohen me prioritet jo vetëm nga Ministria e Punëve të Brendshme, por nga i gjithë kabineti qeveritar”, thuhet në njoftimin zyrtarë të Zyrës së Kryeministrit.

I pari i ekzekutivit gjithashtu ka përgëzuar anëtarët e njësisë speciale për punën angazhimin dhe kontributin pa kursim e të parezervë që në Kosovë të sundojë ligji dhe të ketë siguri për të gjithë qytetarët e Republikës.

“Qeveria e Kosovës është në shërbim të qytetarëve, por edhe në shërbim të mekanizmave shtetërorë si Policia e Kosovës, pa të cilët nuk mund ta mbajmë zhvillimin e progresin, mirëqenien dhe dinjitetin e qytetarit të Republikës”.

“Duke u shprehur mirënjohje për sakrificën dhe situatat e rrezikshme me të cilat përballen në punën e tyre, që Republika e Kosovës të jetë gjithmonë vend i kushtetutshmërisë, i ligjshmërisë, i drejtësisë dhe i sigurisë”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.