Kurti në Shqipëri: Të punojmë për idealet e Skënderbeut nga Kruja, të Ismail Qemalit nga Vlora, e të Adem Jasharit nga Prekazi
![](https://albanianpost.com/wp-content/uploads/2023/11/thumbnail_28.11.2023-ZKM-8.jpg)
Kryeministri i Kosovës, Albin Kurti, i cili ka marrë pjesë në ceremoninë e ngritjes së flamurit në Vlorë me rastin e 111-vjetorit të pavarësisë së Shqipërisë ua ka uruar të gjithë shqiptarëve festën e 28 nëntorit, duke kërkuar nga ata që çdo ditë tjetër të punojnë së bashku për synimet e tyre.
Përmes një komunikate për media nga Zyra e Kryeministrit është thënë se kjo ditë na tregon se sa shumë duhet të angazhohemi fuqishëm.
“Gëzuar gjithë shqiptarëve 28 Nëntorin, këtë festë të madhe të flamurit e të lirisë, të pavarësisë e të bashkimit për të gjithë shqiptarët në Shqipëri, në Kosovë, kudo që janë në Ballkan, e në mërgatë, në botë. Lavdi dëshmorëve të kombit!”.
“Sot është ditë pushimi dhe feste, e çdo ditë tjetër duhet të punojmë për idealet dhe synimet e Skënderbeut nga Kruja, të Ismail Qemalit nga Vlora, e të Adem Jasharit nga Prekazi”, ka thënë Kurti.
![](https://albanianpost.com/wp-content/uploads/2023/11/thumbnail_28.11.2023-ZKM-2.jpg)
Ai tutje ka thënë se ka qëndruar në Shqipëri për të bërë nderime në Vlorë me krerët institucionalë të shtetit shqiptarë.
“Pasdite do të jemi në Kosovë, për të bërë homazhe tek varrezat e Jasharajve në krye me kryekomandantin Adem Jashari”.
“Dje kishim ditën e ushtrisë së Kosovës, Forca e Sigurisë së Kosovës, dhe për shkak se të gjithë këto aktivitet nuk mund t’i vendosim në një ditë, do të vazhdojmë edhe nesër me ngjarje të ndryshme kulturore, artistike për nder të 28 Nëntorit, kësaj date themeltare të identitetit kombëtar shqiptar”.
![](https://albanianpost.com/wp-content/uploads/2023/11/thumbnail_28.11.2023-ZKM-12.jpg)
Pavarësia ka bërë bashkë kryeministrin shqiptar, Edi Rama dhe atë kosovar, Albin Kurti.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
KQZ cakton fletën e votimit për Himarën, ndërkohë Dule në gjykatë kërkon pezullimin e dekretit
-
Tabaku: E pafalshme mungesa e vullnetit për të ndryshuar sistemin
-
Gjiknuri për ndryshimet në Kodin Zgjedhor: Në 5 qarqe, votim dhe numërim elektronik
-
Ndryshimet në Kodin Zgjedhor, OSBE: Shpresojmë që të respektohen kuotat gjinore
Lajmet kryesore
-
Ndryshimet në Kodin Zgjedhor, OSBE: Shpresojmë që të respektohen kuotat gjinore
-
Gjiknuri për ndryshimet në Kodin Zgjedhor: Në 5 qarqe, votim dhe numërim elektronik
-
Obama mbështet hapur Harris: Do të bëhet një presidente fantastike e SHBA-ve
-
Komplikimet politike pas zgjedhjeve në Luginë dhe përfshirja e Kurtit për koalicion “shqiptar”