Kryeministri i Kosovës, Albin Kurti, në nisje të takimit në kuadër të “Planit të Rritjes për Ballkanin Perëndimor”, ka deklaruar se Bashkimi Evropian është qëllimi dhe fati i Kosovës dhe i vendeve të Ballkanit Perëndimor.
Kreu i ekzekutivit ka theksuar se të hënën do të dorëzojë listën e reformave të diskutuar.
“Vlerat e BE-së duhet të bëhen reforma, ndërkaq mbështetja e BE-së duhet të jetë financiare. Kosova, sot do të dorëzojë listën e reformave të diskutuara, ndërkaq në ditët në vijim, do të dorëzojmë listën e projekteve indikativë”.
“Sa i përket reformave, aty e kemi në qendër reformën e administratës. Ndërkaq, për projekte e kemi energjinë e gjelbër”, është shprehur Kurti.
Liderë rajonalë të Ballkanit Perëndimor dhe zyrtarë tjerë të lartë janë mbledhur të hënën e 22 janarit, në Shkup të Maqedonisë së Veriut, për të marrë pjesë në punimet e konferencës së Bashkimit Evropian për rritje ekonomike të rajonit.
Nikoqir i konferencës do të jetë kryeministri maqedonas, Dimitar Kovaçevski.
Përvec Kurtit, pjesëmarrës është edhe kryeministri i Shqipërisë, Edi Rama, ai i Malit të Zi, Millojko Spajiç dhe presidenti i Serbisë Aleksandar Vuçiç.
Në takim do të ketë edhe përfaqësues prej Bosnje-Hercegovinës.
Përveç tyre, Shtetet e Bashkuara do të përfaqësohen prej Ndihmëssekretarit amerikan të Shtetit për Evropën dhe Euroazinë, James O’Brien.
Në mesin e zyrtarëve të BE-së do të jetë drejtori i Komisionit Evropian për Fqinjësi, Gert Jan Kopman dhe zyrtarë tjerë.
Plani i BE-së për Ballkanin Perëndimor synon rritjen ekonomike të rajonit, përshpejtimin e reformave të duhura, dhe kryerjen e investimeve, që mund të avancojnë procesin e zgjerimit të BE-së me këto vende.
Vlera e ndarë nga BE-ja për këtë plan, në periudhën 2024-2027, është 6 miliardë euro.
Pagesat është thënë se do të ekzekutohen vetëm pas përmbushjes së reformave të diskutuara.
Takimi i Shkupit është shumë i rëndësishëm për Ballkanin, thotë Rama
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gërvalla: Ideja e shkëmbimit të territoreve çon në luftë
-
Humza Yousaf do të japë dorëheqjen si ministër i parë i Skocisë që sot, sipas BBC
-
Dëshmitari i 58-të nis dëshminë në seancë të mbyllur në Speciale
-
Karabina: PD është e vendosur në mbështetjen e pakushtëzuar ndaj SPAK-ut, nëpërmjet amendamenteve të saj
