Sport

Kupa Maradona luhet mes Barçës dhe Boca-s, nuk ka ftesë për Napoli-n


Napoli nuk është ftuar të jetë pjesë e Kupës Maradona që do të mbahet në përkujtim të një vjetorit të vdekjes së legjendës së futbollit Diego Maradona-s.

Më 14 dhjetor në Riad, kryeqytetin e Arabisë Saudite do të përballen Barcelona dhe Boca Juniors për Kupën Maradona. Ndeshja do të luhet në “Msool Park”, një stadium me 25 mijë vende.

Kujtojmë se në nder të Maradona-s do të luhet edhe një tjetër ndeshje, ajo mes Argjentinës dhe Italisë. Përkatësisht fitueses së Copa America dhe asaj të Euro 2020.

Dy klubet ku u aktivizua Maradona gjatë karrierës së tij, e kanë organizuar Kupën në nder të ish-sulmuesit. Por, nuk pa pasur asnjë ftesë për Napoli-n, klubin në të cilin ai pati shkëlqimin më të madh.

Maradona luajti për herë të parë te Boca në sezonin 1981/82, duke fituar kampionatin dhe Copa Libertadores. Ai u rikthye përsëri te klubi argjentinas nëvitin 1995 dhe qëndroi deri në 1997. Para se të tërhiqej nga futbolli i luajtur.

Te Barcelona luajti nga 1982 deri në 1984. Në total bëri 58 paraqitje dhe fitoi tre tituj. Kupa e Mbretit, Superkupa e Spanjës dhe Kupa e Ligës (turneu nuk luhet më aktualisht) fitoi Maradona në “Camp Nou”.

Te Napoli, Maradona luajti nga viti 1984 deri në 1991. 257 ndeshje, 115 gola, 33 asiste dhe pesë trofe arriti me të kaltrit argjentinasi. Ai fitoi dy Serie A, një Kupë dhe Superkupë të Italisë, si dhe një Europa League.

Barcelona dhe Boca janë takuar 10 herë më parë. Së fundmi përballja e tyre ishte në 2019 për trofeun Gamper. Sfidë të cilën spanjollët e fituan me rezultatin 3-0.

Ndërkohë, kjo do të jetë hera e dytë për spanjollët që luajnë në Arabinë Saudite pas Superkupës së Spanjës në 2020. Gjithashtu Superkupa e Spanjës do të luhet përsëri në Arabi në janar të 2022 dhe Barça do të jetë përsëri aty.

/Albanianpost.com


Lajmet kryesore