Kanë përfunduar gjashtë ndeshjet e para për këtë të mërkurë në raundin e dytë të Kupës së Shqipërisë. Vllaznia ka arritur rezultatin më të lartë të ditës, pas asaj fitore në shifrat 6-1 përballë Pogradecit.
Ndeshjet ishin të dytat, të raundit të dytë. Vllaznia, Laçi, Egnatia, Partizani, Flamurtari dhe Teuta kanë kaluar më tej. Sfida mes Skënderbeut dhe Bylisit ka shkuar në shtesë.
Laçi ka barazuar 1-1 me Tomorin, por fitorja 1-0 në ndeshjen e parë, i ka siguruar kalimin në raundin tjetër kurbinasve.
Kukësi ka arritur të fitojë minimalisht 1-0 përballë Egnatias. Por, humbja 3-1 në ndeshjen e parë i ka dhënë mundësinë rrogozhinasve të kalojnë më tej.
Flamurtari ka fituar me rezultatin 4-2 në transfertë përballë Kastriotit. Ndeshja e parë në Vlorë kishte përfunduar me rrjeta të paprekura.
Teuta ka fituar me rezultatin 2-0 përballë Korabit. Ndeshjen e parë në Peshkopi e kishin fituar po durrsakët, me rezultatin 1-0.
Partizani ka fituar me rezultatin 2-0 përballë Besëlidhjes. Të kuqtë fituan edhe ndeshjen e parë në Lezhë me rezultatin 1-0.
Skënderbeu dhe Bylisi barzuan 2-2 në 90 minuta lojë. Por, pas barazimit 1-1 në takimin e parë, ndeshja ka shkuar në shtesë.
Turi i tretë do të sjellë përballjet:
Grupi A
Partizani- Tirana/Dinamo
Teuta- Skëndërbeu/Bylis (po luhet)
Grupi B
Flamurtari-Vllaznia
Egnatia-Laçi
Ndeshjet e para të turit të tretë do të luhen më 26 janar dhe ato të kthimit më 9 shkurt.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
