Zëdhënësja e Partisë Social Demokrate (PSD), Natyra Kuçi, e komentoi deklaratën e kryeministrit të Kosovës Albin Kurti, i cili ka thënë se nuk kanë bërë koalicion kundër Qëndron Kastratit në Kamenicë.
Ajo u shpreh se kryeministri Kurti ka gënjyer me gjakftohtësi kur tha se nuk është bërë koalicion kundër Kastratit.
“Gjakftohtësia e Kurtit kur thotë një gënjeshtër për koalicionin në Kamenicë, tregon që është në gjendje të manipuloj për të arritur qëllimet e veta. Ky nuk është thjeshtë mashtrues”, ka shkruar ajo në Facebook, duke e bashkangjitur dhe videon e kryeministrit në të cilën kishte bërë deklaratën.
Sipas saj, qëllimi i kryeministrit është krijimi i një realiteti të ri.
“Ky dëshiron të krijoj realitet të ri. Albin Kurti është një rrezik për shoqërinë”, u shpreh Kuçi.
Raundi i dytë i zgjedhjeve lokale në Kosovë u mbajt me 14 nëntor të dielën.
Në komunën e Kamenicës, kandidati i Lëvizjes Vetëvendosje, Kadri Rahimaj doli fitues në garë kundër Qëndron Kastratit nga radhët e Partisë Socialdemokrate.
Rahimaj morri 8 mijë e 40 vota ose 53,11 për qind, ndërsa Kastrati arriti të marrë 7 mijë e 98 vota ose 46,89 për qind.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lori dhe George Schappell, siamezët më jetëgjatë ndërrojnë jetë në moshën 62-vjeçare
-
Rama mesazh kryeministrit spanjoll: Mos u dorëzo
-
Thaçi i kërkon bast Kurtit: Nëse humb zgjedhjet në Tetovë, duhet ta lirosh karrigen e kryeministrit – nëse fiton…
-
Ushtria izraelite grumbullon tanke në vendkalimin e Rafah-ut
