Kryetari i Parlamentit të Ukrainës uron Spiropalin: Ju ftoj të na vizitoni

Kryetari i Parlamentit të Ukrainës, Ruslan Stefanchuk ka uruar Kryetaren e Kuvendit, Elisa Spiropali, me rastin e zgjedhjes.

Në urimin që Stefanchuk i ka dërguar Spiropalit e fton të vizitojë Ukrainën.

“Në emër të Verkhovna Rada të Ukrainës dhe në emrin tim, Ju uroj për emërimin në postin e Kryetares së Kuvendit të Republikës së Shqipërisë. Ne vlerësojmë shumë qëndrimin konsistent të Kuvendit të Shqipërisë dhe mbështetjen për popullin e Ukrainës, i cili po i reziston me guxim agresionit të armatosur rus në shkallë të gjerë”.

Ai shprehet i bindur se, Ukraina dhe Shqipëria, duke ndarë prioritete të përbashkëta të politikës së jashtme, kanë mundësi të mëdha për përparimin e bashkëpunimit të suksesshëm.

“Duke konfirmuar gatishmërinë dhe vullnetin për të avancuar bashkëpunim konstruktiv mes dy shteteve, veçanërisht në nivel parlamentar, Ju ftoj të vizitoni Ukrainën në një kohë të përshtatshme”, thekson ai.

“Ju uroj, e dashur kolege, shëndet, suksese dhe arritje të reja në përgjegjësitë ligjbërëse dhe paqe, harmoni e prosperitet për popullin e Republikës së Shqipërisë. Ju lutemi pranoni sigurinë e konsideratës sime më të lartë”, shkruan në letrën e urimit.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.