Ndeshjet e së shtunës në Bundesligë pritet të jenë interesante, ku do të luhen pesë ndeshje nga ora 15:30 dhe një duel në ora 18:30.
Bayern Munich vinë nga një fitore e madhe përballë Barcelonës, dhe tani do përballen me Mainz-in për tre pikë të rëndësishme.
Në pesë ndeshjet e fundit, Bayern ka katër fitore dhe një humbje, ndërsa Mainz ka dy fitore, dy barazime dhe një humbje.
Mainz do kërkojnë fitoren për të kaluar në pozitën e gjashtë, e cila e kualifikon në Europa League.
Bayern në anën tjetër, prijnë me pozitën e parë në Bundesligë me 34 pikë.
Rivalët e Bayern, Borussia Dortmund do të luajn në të njëjtën kohë përballë Bochum.
Në pesë ndeshjet e fundit të Dortmund, ata kanë fituar tre ndeshje dhe kanë humbur dy, ku një nga humbjet ishte përballë Bayern-it.
Bochum në anën tjetër, po kalon një formë të ngjajshme me Dortmund, ku edhe ata kanë tre fitore e dy humbje.
Momentalisht, Dortmund radhiten në pozitën e dytë me 30 pikë.
Kurse Bochum janë në vendin e 10-të me 19 pikë.
Ndeshjet e tjera që do luhen gjatë të shtunës në Bundesligë janë:
15:30 Freiburg – Hoffenheim
15:30 Hertha Berlin – Arminia Bielefeld
15:30 RB Leipzig – Borussia Monchengladbach
18:30 Wolfsburg – Stuttgart
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com