![](https://albanianpost.com/wp-content/uploads/2024/04/inter_malt_min_for_aff_iborg.jpg)
Kryesuesi i radhës nga OSBE-ja njëherësh edhe ministri i Punëve të Jashtme, Çështjeve Evropiane dhe Tregtisë së Maltës, Ian Borg, të enjten do të qëndrojë për vizitë zyrtare në Kosovë – ku do të ketë takime me përfaqësues të institucioneve të shtetit.
Gjatë qëndrimit të tij, ai do të ketë takim me presidenten e Kosovës, Vjosa Osmani, kryeministrin Albin Kurti dhe ministren e Punëve të Jashtme dhe Diasporës (MPJD), Donika Gërvalla-Schwarz.
Takimin Borg do ta nis fillimisht me ministren Gërvalla në ora 09:00.
“Ministrja e Punëve të Jashtme dhe Diasporës, znj.Donika Gërvalla Schëarz, pret në takim homologun e saj, ministrin e Punëve të Jashtme të Maltës, z. Ian Borg, i cili do ta vizitojë Republikën e Kosovës në cilësinë e kryesuesit të OSBE-së”, thuhet në komunikatën e MPJD-së.
Pas Gërvalles, Borg do të takohet me presidenten Osmani.
“Në orën 10:00, Presidentja e Republikës së Kosovës, Vjosa Osmani pret në takim ministrin për Punët e Jashtme, Evropë dhe për Tregtinë të Maltës njëherit kryesues i OSBE-së, Ian Borg. Mediat mund të marrin pamje në fillim të takimit. Vendi: Kabineti i Presidentes”, thuhet në njoftimin e Zyrës së Presidencës.
Borg, po ashtu do të takohet edhe me shefin e Misionit të OSBE-së në Kosovë, Michael Davenport, dhe stafin e misionit, dhe do të takoj pjesëmarrëse nga Akademia e Dialogut e OSBE-së.
Kryediplomati i Maltës do të udhëtojë në Qendrën Rajonale të OSBE-së në Gjilan për t’u takuar edhe me organizatat lokale të shoqërisë civile dhe përfaqësuesit e komuniteteve nga komuna të ndryshme për të diskutuar rreth të drejtave të komuniteteve, angazhimin e të rinjve dhe fuqizimin e grave.
Ai do të takohet edhe me kryetarët e komunave që përfaqësojnë komunitete të ndryshme për të diskutuar lidhur me bashkëpunimin ndër-komunal të mbështetur nga OSBE.
Gjatë qëndrimit në Kosovë, Borg do të takohet edhe me Peshkopin Teodosije nga Kisha Ortodokse Serbe.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet