Mijëra njerëz protestua në disa vende evropiane kundër kufizimeve të coronavirus-it.
Policia në Paris ka arrestuar nëntë persona dhe gjobitur rreth 160 të tjerë që nga fillimi i fundjavës.
Arsye e arrrestimit ishin takimet klandestine në restorante të mbyllura pavarësisht nga kufizimet e COVID-19.
Policia në kryeqytetin francez tha të dielën e 11 prillit, se ata kishin arrestuar shtatë persona gjatë natës në dy operacione të ndara.
Një mbrëmje më parë, ata kishin arrestuar pronarin dhe menaxherin e një restoranti ku 110 njerëz ishin mbledhur.
Kjo vjen disa ditë pasi vetë sjellja e qeverisë u vu në dyshim pas publikimit të një dokumentari që akuzoi ministrat për ngrënie në restorante të fshehta në shkelje të rregullave COVID.
Franca aktualisht është nën bllokim me të gjitha dyqanet jo thelbësore të mbyllura, përfshirë restorantet dhe baret. Po ashtu është në fuqi një shtetrrethim natën që fillon nga ora 19:00 deri në 06:00.
Kyçja e re katër javore u vendos fundjavën e kaluar për të luftuar një rritje në rastet që i atribuohen përhapjes së variantit britanik dhe që ka vënë nën presion serioz spitalet dhe njësitë e ICU në veçanti.
Një javë më vonë, numri ditor i rasteve të konfirmuara mbetet i lartë me më shumë se 43 mijë e 280 infeksione.
Vendi ka numrin e dytë më të lartë të vdekjeve COVID-19 në Bashkimin Evropian pas Italisë në 98 mijë e 602.
Protesta në qytetet e tjera
Rreth 300 vetë morën pjesë në protestën e paautorizuar në Helsinki – tubimet publike të më shumë se gjashtë personave janë aktualisht të ndaluara në Finlandë.
Arrestimet u kryen pasi një urdhër policie për shpërndarje u injorua.
Finlanda dhe 5.5 milionë banorët e saj kanë një nga të dhënat më të mira kundër COVID-19 në Evropë me një vdekje prej 866 dhe më pak se 114 mijë raste të konfirmuara.
Por një rritje e shkallës së incidencës në mes të shkurtit bëri që autoritetet të marrin masa shtesë, përfshirë mbylljen e restoranteve.
Qindra njerëz u mblodhën gjithashtu në kryeqytetin danez Kopenhagën, për të protestuar kundër strategjisë së vendit të tyre kundër virusit dhe prezantimit të një pasaporte COVID.
Danimarka ka qenë nën kontrollin e pjesshëm që nga fundi i dhjetorit.
Edhe nëse disa masa janë hequr që nga shkurti, rihapja pothuajse e përgjithshme është vendosur vetëm për 21 maj, një datë e zgjedhur sepse duhet të korrespondojë me fundin e vaksinimit të personave mbi 50 vjeç.
Në Norvegji rreth 200 demonstrues protestuan në qendër të kryeqytetit Oslo kundër masave të marra.
Protesta të ngjashme u mbajtën gjithashtu në Vjenë, Austri dhe në kryeqytetin rumun, Bukuresht.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
