Kryediplomati spanjoll pritet të raportojë në Kuvend për pranimin e pasaportës së Kosovës  

Partia e Popullit në Spanjë ka kërkuar që ministri i Punëve të Jashtme të Spanjës, Jose Manuel Albares, të raportojë para Komisionit për Punë të Jashtme të Kuvendit të Spanjës, për të shpjeguar vendimin e fundit të këtij dikasteri për të njohur pasaportën e Kosovës.

Partia opozitare spanjolle, siç raportojnë mediat spanjolle, do të pyetet nëse ky vendim mund të lexohet si një ndryshim qëndrimi në raport me pavarësinë e Kosovës për shkak të presioneve nga shtetet partnere të Spanjës.

Deputetët opozitare do të kërkojnë sqarime shtesë nga kryediplomati spanjoll për të shpjeguar ndryshimin e qëndrimit në lidhje me pasaportën e Kosovës meqë në prill të vitit të kaluar, Komisioni Evropian kishte njoftuar se Spanja do të jetë i vetmi vend në zonën Schengen që nuk do të zbatojë vendimin për liberalizimin e vizave për kosovarët.

Spanja ka njohur pasaportat e Kosovës, duke u mundësuar qytetarëve të Kosovës që të udhëtojnë pa viza edhe në këtë shtet.

Një gjë e tillë u bë e ditur në një dokumenti të publikuar më 5 janar në e Departamentit për Migrim dhe Çështje të Brendshme të Komisionit Evropian.

Në dokumentin e publikuar thuhet se “nga 1 janari, Spanja njeh pasaportat e zakonshme të lëshuara nga Kosova”.

“Kjo nuk nënkupton në asnjë formë njohje zyrtare të Kosovës si shtet i pavarur”, thuhet në dokument.

Që nga 1 janari, shtetasit e Kosovës me pasaporta biometrike mund të udhëtojnë në shtetet e zonës Schengen, pas hyrjes në fuqi të vendimit për liberalizimin e vizave.

Spanja është njëra nga pesë shtetet mos-njohëse të pavarësisë së Kosovës brenda Bashkimit Evropian

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.