Kroacia ka njoftuar se turistët e huaj mund të anashkalojnë kryerjen e testimit  të COVID-19. Po ashtu edhe të karantinës. E gjitha kjo vetëm pasi të vaksinuar plotësisht të paktën 14 ditë para nisjes.

Edhe nëse nuk vaksinohen, vizitorët përsëri mund të pranohen në kushte të caktuara. Një mënyrë është të tregoni prova të rezultateve negative të PCR ose antigjenit nga një test COVID-19 i administruar jo më shumë se 48 orë para mbërritjes.

Ata që hyjnë bazuar në një test antigjeni duhet ta përsërisin atë brenda 10 ditëve, nëse qëndrojnë aq gjatë.

Ata që kanë rezultuar pozitivë për virusin brenda 180 ditëve të mëparshme, konsiderohen të përjashtuar nga testimi i detyrueshëm dhe detyrimet e vetë-izolimit me paraqitjen e një certifikate shërimi të lëshuar nga një mjek.

Udhëtarët që arrijnë pa asnjërën prej mënyrave të thëna më sipër mund të kryejnë testimin PCR ose testimin e shpejtë të antigjenit menjëherë pas mbërritjes. Sigurisht, me shpenzimet e tyre, por ndërkohë ata duhet të qëndrojnë në vet-izolim deri në arritjen e një rezultati negativ të testit.

Nëse testimi nuk mund të kryhet, ata duhet të qëndrojnë në vet-izolim për një periudhë prej 10 ditësh. Fëmijët nën shtatë vjeç të cilët shoqërohen nga një prind ose kujdestar nuk i nënshtrohen kërkesave të testimit.

Duhet të theksohet se ata që vizitojnë Kroacinë për qëllime pushimesh duhet të tregojnë konfirmimin e akomodimit të rezervuar dhe të plotësojnë një formular në internet para se të udhëtojnë.

Ata që përmbushin kërkesat për të hyrë në Kroaci do të jenë në gjendje të vizitojnë plazhet me rërë dhe ndërtesat historike.

Vija bregdetare e saj ka më shumë se 1 mijë ishuj të vendosur përgjatë bregdetit lindor dhe u pëlqen të dashuruarve në natyrë, falë shtigjeve të saj të shumta për shëtitje dhe me biçikleta.

Sidoqoftë, si me të gjitha rregulloret e COVID-19, detajet mund të ndryshojnë në bazë të vendit tuaj nga vini. Informacione të mëtejshme janë në dispozicion në faqen e internetit të Ministrisë së Brendshme të Kroacisë.