Kryeministri i Shqipërisë, Edi Rama, ka reaguar mbi situatën e krizës energjetike në Kosovë.
Ai, nëpërmjet një postimi në median sociale Twitter, shkruan se ka kërkuar nga Ministria e Infrastrukturës dhe Energjisë vlerësimin e çdo mundësie ndihme për Qeverinë e Kosovës.
Kjo që familjeve atje të mos u mungojë energjia elektrike në dy ditët e festës “popullore të ndarjes së viteve”.
Rama është ndalur edhe te gjendja në Shqipëri, ku ka theksuar se nuk është e lehtë mbrojtja e vijueshme të familjeve e sipërmarrjeve të vogla nga “dallga e tërbuar e krizës energjetike”.
Por kjo, sipas numrit një të Qeverisë shqiptare, nuk duhet të jetë një justifikim për të mos ndihmuar Kosovën “me aq sa kemi”.
Duke e ndjekur me shqetësim krizën e rëndë energjitike që ka prekur Kosovën kërkova sot nga ministria e Energjisë të vlerësojë çdo mundësi ndihme për qeverinë e Kosovës,që familjeve në Kosovë të mos u mungojë energjia elektrike në dy ditët e festës popullore të ndarjes së viteve!
— Edi Rama (@ediramaal) December 28, 2021
Këtë të martë Qeveria e Kosovës ka mbajtur edhe një seancë të jashtëzakonshme plenare pikërisht për këtë çështje.
Ndërkohë, kabineti i kryeministrit Albin Kurtit, në mbledhjen e 24 dhjetorit, ndërmori një vendim lidhur me shpalljen e masave emergjente për kufizimin me energji elektrike në kohëzgjatje prej 60 ditësh.
Kurti shpesh ka ravijëzuar se Kosova gjendet e përfshirë në një krize energjetike.
Arsyet e krizës në Kosovë, sipas tij, shtrihen në dy rrafshe: të brendshme dhe të jashtme.
Në njërën anë “çmimet e larta të importit janë pasojë e faktorëve të jashtëm, ndërkaq dobësimi i kapaciteteve është pasojë e shkaqeve të brendshme”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Policia ngre alarmin për disa “mesazhe mashtruese” që vjedhin llogaritë e mediave sociale
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Gonzato thotë se korrupsioni mbetet ndër tre shqetësimet themelore për rininë shqiptare
-
Shqipëria dhe Kosova kanë numrin më të lartë të azilkërkuesve në vendet e BE-së
Lajmet kryesore
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Shqipëria dhe Kosova kanë numrin më të lartë të azilkërkuesve në vendet e BE-së
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel