Krimbi që paraziton gjarpërinjtë gjendet në trurin e gruas australiane

Një krimb i rrumbullakët, i cili zakonisht paraziton gjarpërinjtë, është zbuluar për herë të parë në një qenie njerëzore.

Ai u nxorr “i gjallë dhe i lëvizshëm” nga truri i një gruaje australiane gjatë operacionit, njoftuan mjekët australianë të martën e 29 gushtit.

Lajmi u bë i ditur nga agjencia “AFP” dhe multimediali “CNN”.

Mjekët zbuluan një “dëmtim atipik” falë një ekzaminimi MRI (rezonancë magnetike – ed.), në pjesën ballore të trurit të 64-vjeçares australiane, e cila vuante nga humbja e kujtesës.

Ishte një Ophidascaris robertsi, një krimb i rrumbullakët tetë centimetra që studiuesit thonë se është një parazit i kangurëve dhe pitonëve në Australi.

Parazitizon kafshët në rajone të tjera të botës, por kurrë më parë nuk ishte zbuluar te një qenie njerëzore.

Shkencëtarët besojnë se australiania u parazitua nga bimët e ngrënshme, ndoshta të kontaminuara nga larvat e pranishme në jashtëqitjet e gjarpërinjve.

Paraziti, “struktura si fije” e të cilit u shfaq në skanimet e trurit, u identifikua më vonë përmes testit të ADN-së.

“Ky është rasti i parë njerëzor i Ophidascaris i përshkruar kudo në botë”, tha specialisti i sëmundjeve infektive Dr Sanjaya Senanayake. “Për njohuritë tona, ky është gjithashtu rasti i parë që përfshin trurin e një specie gjitari, njerëzor apo tjetër”.

Ky zbulim ishte subjekt i një artikulli në revistën Emerging Infectious Diseases.

“Nuk është kurrë e lehtë apo e dëshirueshme të jesh i pari që të sëmuret nga ndonjë gjë në botë”, shtoi Dr. Senanayake, “Unë nuk mund të shpreh mjaftueshëm admirimin tonë për këtë grua, e cila ka treguar durim dhe guxim gjatë gjithë këtij procesi”.

Sipas Dr. Senanayake, “ka të ngjarë që më shumë raste të identifikohen në të ardhmen”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.