Krim i dyfishtë në Gramsh, 75-vjeçari vret gruan dhe vëllain

Në Gramsh ka ndodhur këtë të premte të 27 janarit një tragjedi në familje.

Një gruaje i është marrë jeta nga bashkëshorti në fshatin Tervol të Njësisë Administrative Pishaj.

Autori Xhevit Sinani rreth 75 vjeç ka ekzekutuar me sende të forta bashkëshorten e tij, Zegjine Sinani dhe të vëllain, Shaqir Sinani.

Por motivet e kësaj ngjarjeje të rëndë ende nuk dihen.

Sakaq, shërbimet e Policisë, falë reagimit në kohë kanë kapur autorin e krimit të dyfishtë.

Pas krimit të rëndë, autori ka marrë në telefon fëmijët ku më pas u ka dhënë lajmin tragjik.

Bashkëshorten mësohet se e ka vrarë në banesë, ndërsa vëllain te banesa e tij jashtë, pasi kanë qenë me banesë pranë, njëri-tjetrit rreth një kilometra distancë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.