Presidenti rus Vladimir Putin do të presë homologun e tij turk Rexhep Tajip Erdogan në vendpushimin rus të Sochi-t në Detin e Zi për bisedime të hënën, njoftoi Kremlini.
“Negociatat me të vërtetë do të zhvillohen në Sochi të hënën”, u tha gazetarëve të premten zëdhënësi i Kremlin-it Dmitry Peskov, raporton agjencia “AFP”.
Shefi i Kombeve të Bashkuara i dërgoi më herët Rusisë një propozim të ri që synon të sjellë drithërat dhe plehrat e saj në tregjet globale me shpresën për të ringjallur marrëveshjen që i lejoi Ukrainës të dërgonte pothuajse 33 mijë tonë drithë në një kohë të urisë globale në rritje.
Por Moska nuk ishte e kënaqur me letrën që Sekretari i Përgjithshëm i OKB-së Antonio Guterres i dërgoi ministrit të Jashtëm rus Sergej Lavrov në fillim të kësaj jave.
Duke folur në një konferencë shtypi të enjten pas takimit me ministrin e Jashtëm turk Hakan Fidan, Lavrov tha se i kishte dhënë Ankarasë një listë veprimesh që Perëndimi do të duhej të ndërmerrte për të rifilluar dërgesat ukrainase.
Kombet e Bashkuara dhe Turqia ndërmjetësuan marrëveshjen në korrik 2022 që lejoi Ukrainën të transportonte grurë dhe produkte të tjera ushqimore nga tre porte të Detit të Zi.
Një memorandum i veçantë midis OKB-së dhe Rusisë u zotua të kapërcejë pengesat për dërgimin e ushqimit dhe plehrave nga Moska në tregjet botërore.
Marrëveshja pasoi pushtimin e Ukrainës nga Rusia më 24 shkurt 2022, i cili bëri që çmimet globale të ushqimeve të rriteshin në qiell, sepse të dy vendet janë “shportat e bukës” kryesore për botën.
Rusia pezulloi nismën për drithërat e Detit të Zi në korrik.
Kremlini u ankua vazhdimisht se marrëveshja e Ukrainës përfitonte kryesisht kombet më të pasura dhe se Rusia kishte ende vështirësi në marrjen e financimit, sigurimit dhe transportit për dërgesat e saj të plehrave dhe drithërave.
Të dhënat nga Qendra e Përbashkët e Koordinimit në Stamboll, e cila organizoi dërgesat e Ukrainës, tregojnë se 57 për qind e drithit nga Ukraina shkoi në vendet në zhvillim, me destinacionin kryesor që ishte Kina, e cila merrte gati një të katërtën e ushqimit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Këshilltarët bashkiakë të opozitës propozojnë shtimin e tre pikave në rendin e ditës
-
Paralajmërimi i Bislimit për luftë korrektohet nga mediumi ukrainas
-
Pedro Sanchez qëndron, nuk dorëhiqet nga pozita e kryeministrit
-
KP urdhër KPA: Ndryshoni vendimin për Aflred Ballën, t’i hiqet e drejta për të ushtruar funksione në sistemin e drejtësisë
Lajmet kryesore
-
Tritoli në banesën e gjyqtarit, Unioni i Gjyqtarëve: Akt kriminal, kërcënim ndaj të gjithë magjistratëve
-
Pedro Sanchez qëndron, nuk dorëhiqet nga pozita e kryeministrit
-
Baerbock bën fushatë për integrimin e Ballkanit, në përvjetorin e zgjerimit të BE-së në 2004
-
Kosova refuzoi “zgjidhje afatgjatë” nga Escobari për dinarin, preferon “kompromis të negociuar” nga Lajçaku