Kremlini akuzon Britaninë për sulmin ndaj Nord Stream

Kremlin-i zyrtar akuzon Mbretërinë e Bashkuar se ka “drejtuar dhe koordinuar” sabotimin e gazsjellësit Nord Stream.

Lajmi u bë i ditur nga agjencitë perëndimore, duke cituar zëdhënësin Dmitry Peskov.

“Shërbimet tona të inteligjencës kanë prova që sugjerojnë se sulmi ishte drejtuar dhe koordinuar nga specialistë ushtarakë britanikë”, deklaroi Peskov gjatë konferencës për shtyp.

Ai shtoi se sa i përket riparimit të tubacionit “nuk është marrë ende një vendim se si do të ndërhyjë Rusia”.

Ajo që është e sigurt për Rusinë është përfshirja e Britanisë në atë që e quajti “sulm terrorist”.

Moska zyrtare po shqyrton sakaq “veprime të mëtejshme” në përgjigje të këtij sulmi, tha Peskov.

Sipas zëdhënësit të Putin-it, “këshilltarët ushtarakë britanikë” drejtuan dhe koordinuan gjithashtu sulmin ndaj flotës ruse në Detin e Zi.

Kjo, duke akuzuar inteligjencën britanike se kishte drejtuar dhe koordinuar sulmin ndaj gazsjellësit Nord Stream dhe gjithashtu sulmin ndaj flotës ruse në Detin e Zi në Sevastopol, zëdhënësi i Putin-it Dmitry Peskov shpjegoi se do të ketë pasoja.

“Këto veprime nuk mund të lejohen të kalojnë”, saktësoi ai. “Natyrisht ne do të mendojmë për hapat tanë të ardhshëm, nuk ka dyshim për këtë”.

Peskov e përkufizoi sabotimin në Nord Stream “një sulm terrorist në një infrastrukturë kritike të energjisë”, e cila “nuk është një infrastrukturë ruse, por një infrastrukturë ndërkombëtare”.

Agjencia ruse “Interfax” raporton se Londra kundërshton sërish akuzat ruse për Nord Stream.

Akuzat e reja ruse janë pjesë e “manualit të shpërqendrimit nga realiteti” i përdorur nga Kremlini.

Kështu deklaroi një zëdhënës i kryeministrit Rishi Sunak, duke përsëritur mohimin e Londrës për pretendimet e hedhura nga Rusia (e cila pretendon se ka prova të inteligjencës).

Të hënën e 31 tetorit, ministri i Jashtëm, James Cleverly, kishte akuzuar Moskën se ishte “gjithnjë e më shumë e shkëputur nga realiteti” dhe se donte vetëm “të shpërqendronte vëmendjen” nga “dështimet e saj të supozuara në fushën e betejës”.

Rrjedhje masive gazi në detin Baltik, pranë Nord Stream 2

Tre tubacione të Nord Stream-it do të mbeten përgjithmonë të papërdorshëm

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.