Për të parën herë në tërë historinë e tij, Teatri i qytetit të Vushtrrisë është bërë me trupë rezidente të aktorëve.
Lajmin e ka bërë të ditur kryetari i kësaj komune, Xhafer Tahiri, i cili përmes një postimi në llogarinë e tij të Facebook, ka njoftuar se DKRS ka nënshkruar kontratë me aktorët e përzgjedhur të teatrit.
Tahiri e ka konsideruar “ngjarje të jashtëzakonshme” formimin e trupës rezidente te aktorëve brenda Teatrit të Vushtrrisë.
“Komuna e Vushtrrisë, DKRS ka nënshkruar kontratën me trupën rezidenciale të aktorëve të Teatrit të Qytetit dhe kjo për herë të parë në historinë e Teatrit tonë! Kjo ngjarje është me rëndësi të jashtëzakonshme për kulturën në Vushtrri”, ka shkruar kryetari në postimin e tij.
Ai është shprehur entuziast duke thënë bindshëm se aktorët e rinj të këtij teatri “do të ecin në hapat e aktorëve të suksesshëm të qytetit të Vushtrrisë”.
“Aktorët e rinj të Teatrit të Vushtrrisë jam i bindur që me punë do të ecin gjurmëve të aktorëve të mdhenj nga Vushtrria si Abdurrahman Shala, Adem Mikullovci, Xhemajl Cecelia e shumë të tjerë”, ka shkruar Tahiri.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama për “Corriere”: Ndërhyra për të mbrojtur imazhin e vendit tim
-
Opozita i kërkon Kuvendit anulimin e mbledhjes së Komisionit për Shëndetësinë
-
Blinken i thotë Pekinit: Ndaloni së fuqizuari Rusinë ose do të përballeni me sanksione
-
Rohde e përmendi Asociacionin, Kurti kërkon mbështetjen e Gjermanisë për anëtarësimin e Kosovës në KiE