Lajme

Kosovë: Në Zym të Hasit vihet gurthemeli i monumentit “Nëna e Zymit”


Në kuadër të aktiviteteve të manifestimit letrar, kulturor e shkencor, “Takimet e Gjeçovit” në Zymë të Hasit, të shtunën e 30 tetorit është vë gurthemeli i monumentit “Nëna e Zymit”.

Në këtë ceremoni ka qenë i pranishëm edhe Kryeministri i Republikës së Kosovës, Albin Kurti.

Kryeministri Kurti në fjalën e rastit ka përshëndetur manifestimin jubilar (50-të) dhe iniciativën për të nderuar në mënyrë të veçantë gruan shqiptare, një grua, siç ka thënë ai, të vendosur në histori nga ana e sakrificës së përditshme.

“Kurrë nuk do të përfundojmë së nderuari dy figura të pafundme të mendimit: dëshmorin dhe gruan. E kemi si Norë të Kelmendit, si Shotë të Galicës, si grua të Jasharajve, e tashmë do ta kemi si Nëna e Zymit”, ka thënë kryeministri në fjalën e tij.

Kryeministri i Kosovës, Albin Kurti

Monumnti për nënën merr kuptim edhe më shumë kur kemi dashurinë e nënës si shprehje të përjetësisë për çdo ditë.

“Ndoshta monumenti mund t’ia bëjë nderin dashurisë sublime, monument Nënës së Zymit, monument Nënës, për atë që është e që bën”, ka thënë kryeministri Kurti.

Manifestimi i 50-të me radhë “Takimet e Gjeçovit” mbahet nën patronatin e Presidentes së Kosovës.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore