Lajme

Kosovë: MSH apelon për vaksinim me dozën përforcuese dhe kundër gripit sezonal


Qendra e vaksinimit -Prishtinë

Ministria e Shëndetësisë e Republikës së Kosovës ka apeluar tek qytetarët që të vaksinohen me dozën përforcuese të vaksinës kundër COIVD-19.

Me anë të një postimi në rrjetin social Facebook, Ministria e Shëndetësisë (MSH) kërkon nga qytetarët që përveç vaksinës përforcuese kundër pandemisë, të marrin vaksinën edhe kundër gripit sezonal.

“Ju mund të vaksinoheni në të njëjtën kohë dhe në të njëjtën qendër edhe me vaksinën kundër Gripit sezonal. Një rrugë e dy mundësi: Vaksinë kundër COVID-19 dhe vaksinë kundër Gripit sezonal!”, thuhet në njoftim.

Thirrja nga ana e MSH-së për qytetarët që të vaksinohen po bëhet pikërisht në periudhën kur janë rritur numrat e të të infektuarve me COVID-19 në vend, kryesisht me variantin Omicron.

Të shtunën e 14 janarit në Kosovë janë shënuar 585 raste të reja me COVID-19, ndërsa numri aktual i të infektuarve aktiv në vend është 3 mijë e 339 raste.

Ndërsa vendet e rajonit, sikurse Kosova kanë rritje të numrit të të infektuarve.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore