Kombëtarja e Kosovës në futboll ka pësuar humbje në ndeshjen miqësore kundër Guinesë, me rezultat 1:2.
Përzgjedhësi i Kosovës, Bernard Challandes kishte vendosur për këtë ndeshje që t’i testojë disa lojtarë të rinj duke i dhënë minuta që nga fillimi golashënuesit më të mirë të Superligës së Kosovës, Mirlind Daku.
Takimi në stadiumin “Arslan Zeki Demirci Spor” të Antalya-s nisi me një ritëm të qetë dhe pak raste shënimi, meqë rast, pjesa e parë përfundoi pa gola.
Në minutën e 60-të, Guinea kaloi në epërsi me golin e shënuar nga Moustapha Kouyate.
Pas golit të pësuar, Dardanët provuan të këndellen, mirëpo nuk e arritën dot dhe vetëm pesë minuta më vonë, u akordua një penallti e dyshimtë për një prekje të topit më dorë, që dukej se ishte jashtë zone.
Nga pika e 11-metërshit nuk dështoi Jose Kante, që dyfishoi shifrat në 2:0.
Djelmoshat e Kosovës, rritën presionin ndaj kundërshtarit, por golin e vetëm të ndeshjes, arritën ta gjejnë vetëm në minutën e dytë shtesë përmes futbollistit të Balikesirspor, Arb Manaj.
Kosova do ta laujë edhe një ndeshje tjetër miqësore në Antalya, kundër Gambisë, më 11 qershor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Prokuroria po e interviston Martin Berishajn, i dyshuar për afera korruptive dhe shpëlarje parash
-
Blerina Bala në krye të Himarës, Rama: Shumica e himariotëve nuk i përket llogores së konfliktit
-
Ekspozimi: Politikanët evropianë të së djathtës në listën e pagave të Putinit
-
Konjufca: Mungon vullneti i mazhorancës që në zgjedhje të reja të shkohet përmes dorëheqjes