Kontaktet me Lukaku-n, Inter-Juventus përplasen për “datat”

Krahas rastit Mbappé, këtë verë shpërtheu edhe çështja Romelu Lukaku.

Protagonistë janë dy klube italiane si Inter-i dhe Juventus-i, edhe pse sulmuesi belg është aktualisht nën kontratë me Chelsea-n.

Pasi shpërtheu debati për francezin për kontaktet “klandestine” mes lojtarit dhe Real Madrid-it, të cilat nuk do të ishin lejuar nga PSG-ja, pronar i kartonit, me mundësi ankese nga klubi i Nasser Al-Khelaifi ndaj spanjollëve, edhe bisedimet për Lukaku-n kanë nisur të diskutohen në këtë front.

Por nuk është Chelsea ai që sjell kontaktet dhe datat në të cilat do të ishin zhvilluar, por Interi, formacioni i fundit në të cilin luajti belgu.

Siç raportohet nga edicioni i sotëm i “La Gazzetta dello Sport”, zikaltërit janë zemëruar shumë nga rindërtimet që pohojnë sesi drejtuesit e Juventus-it, me indikacione të Massimiliano Allegri-t, kanë kontaktuar që në muajin mars me avokatin dhe agjentin e belgut, Ledure.

Një marrëveshje për të cilën zikaltërit padyshim nuk ishin në dijeni, aq sa vazhduan të punonin me Chelsea-n, pronarin e kartonit, për ta mbajtur në Milano, të bindur se kjo ishte edhe dëshira e lojtarit.

Me këtë të fundit që pak ditë pas disfatës në Stamboll kishte deklaruar: “…Interi është ende i uritur dhe ne do të kthehemi të luftojmë me shpresën që një ditë të arrijmë në atë moment në të cilin shkruhet historia…”.

Dhe ja ku jemi te acarimi zikaltër.

Edhe nëse kartoni nuk është në pronësi të Inter-it, Lukaku ishte nën kontratë me zikaltërit deri më 30 qershor dhe çdo kontakt me një klub tjetër, të paautorizuar nga Interi, është i ndaluar nga rregullat e FIFA-s.

Kjo pikë e rregullores është ajo e përmendur nga PSG në rastin Mbappé-Real.

Te Inter-i, dikush pyet nëse negociatat tashmë ekzistuese me Juventus-in mund të kenë ndikuar në performancën e Lukaku-t në finale, duke pasur parasysh golat e humbura.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.