Kosova

Konjufca për mungesën e kuorumit në Kuvend: Kjo legjislaturë nuk e meriton të vazhdojë


Kryetari i Kuvendit të Kosovës, Glauk Konjufca

Kryetari i Kuvendit të Kosovës, Glauk Konjufca është shprehur i pakënaqur me legjislaturën, sipas tij kjo legjislaturë nuk e meriton të vazhdojë kështu për shkak të sjelljes “së papërgjegjshme” të deputetëve.

“Me këtë sjellje të papërgjegjshme të deputetëve, kjo legjislaturë mendoj se nuk e meriton të vazhdojë”, ka thënë Konjufca.

Pas pritjes që deputetët të mblidhen, Konjufca ka marrë vendim që seanca e Kuvendit të Kosovës e paraparë qe të fillonte nga ora 10:00, të shtyhet për në orën 12:30.

Kjo me arsyetimin se mazhoranca nuk ka arritur t’i mbledhë deputetët.

“Mazhoranca nuk po mundet me i mbledhë deputetët, shihemi në orën 12:30, po më premtojnë që kanë me i sjellë deputetët”, deklaroi ai.

Konjufca ishte duke pritur që të bëhen 61 deputetë të shumicës.

Një problem i ngjashëm ka qenë edhe javën e kaluara në seancën e Kuvendit të Kosovës.

Për këtë arsyeje edhe ishte anuluar seanca që ishte paraparë të mbahet para një jave.

Deputetët e Kuvendit të Kosovës ishte paraparë që të mblidhen këtë të mërkurë për të trajtuar pika e projektligje të pa përfunduara nga 6 seancat e kaluara. Në rend dite deputetët kanë gjithsej 37 pika, që kanë mbetur, disa prej të cilave, nga muaji shkurt i këtij viti.

Shqyrtimi i disa prej këtyre pikave ka përfunduar dhe vetëm pritet të votohen, ndërsa disa të tjera pritet të shqyrtohen.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore