Kryetari i Kuvendit të Kosovës, Glauk Konjufca, ka vendosur që të mbrohet në heshtje, ndaj akuzave të Prokurorisë së Prishtinës për hedhje të gazit lotsjellës në mbledhjen e Kryesisë së Kuvendit të mbajtur në vitin 2016.
Ndërsa deputeti i Aleancës për Ardhmërinë e Kosovës, Pal Lekaj, në dëshminë e tij në gjykatore ka thënë se atij nuk i kujtohet që Konjufca ka hedhur gaz lotsjellës në Kuvend.
“Nuk më kujtohet”, tha Lekaj.
Konjufca po akuzohet nga Prokuroria se ka kryer veprën penale “Përdorimi i armës apo mjetit të rrezikshëm” nga neni 375, paragrafi 1 të Kodit Penal, vepër e cila dënohet me burgim prej një deri në tetë vjet.
Ai gjithashtu akuzohet se gjatë përdorimit të gazit lotsjellës ka penguar personat zyrtarë në kryerjen e detyrave zyrtare, me ç’rast të gjithë personat zyrtarë janë detyruar ta ndërpresin mbledhjen dhe të largohen nga salla.
Për këtë, Konjufca po akuzohet se ka kryer veprën penale “Pengimi i personit zyrtar gjatë kryerjes së detyrave zyrtare” parashikuar nga neni 409, paragrafi 1 të Kodit Penal, vepër e cila dënohet me burgim prej tre muaj deri në tre vjet.
Për dy këto akuza, Konjufca ishte deklaruar si i pafajshëm. “Për këtë që më akuzoni ndjehem plotësisht i pafajshëm”, ishte deklaruar ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Zana Spahiu ofron dorëheqje nga pozita e u.d drejtoreshës së RTK-së
-
KFOR-i angazhohet në shuarjen e zjarreve në Kosovë e Shqipëri
-
Bajrami kërkon hetime për “gjithçka” që ka ndodhur në RTK
-
Gjermania porosi Kosovës dhe Serbisë: Stop politikës ‘ma bëre, ta bëra’ që vendosë pengesa të reja në rrugën drejt normalizimit
