![](https://albanianpost.com/wp-content/uploads/2023/08/fggggggggggggggg.png)
Kongresi i Brazilit i ka dhënë Presidentit Luiz Inácio Lula da Silva fitoren e parë të rëndësishme legjislative të administratës së tij.
Kjo pasi Kongresi ka votuar për rregullat për të liruar kufijtë në shpenzimet publike.
Korniza e re fiskale zëvendëson një kufi më të rreptë të shpenzimeve dhe e bën të detyrueshëm rritjen e buxheteve me më shumë se norma e inflacionit.
Është gurthemeli i premtimeve të presidentit të majtë për para shtesë për mirëqenien sociale dhe infrastrukturën në ekonominë më të madhe të Amerikës Latine.
Përfaqësuesit në Dhomën e Ulët të Brasilias dhanë miratimin përfundimtar të martën, pavarësisht shqetësimeve të investitorëve për shthurjen e qeverisë dhe ndikimin e mundshëm në huamarrjen publike.
Miratimi i projektligjit është një moment historik për Lula-n, i cili më parë sundoi midis viteve 2003 dhe 2010 dhe u kthye në pushtet në janar pas fitores së tij në zgjedhje ndaj Jair Bolsonaro-s.
Ai hap rrugën për një program të madh të punëve publike të mbështetur nga 370 miliardë dollarë fonde federale gjatë katër viteve.
Tavani i mëparshëm i shpenzimeve, i vendosur nga viti 2017, nënkuptonte se buxhetet nuk mund të rriteshin më shumë se norma e inflacionit.
Investitorët e panë atë si një mjet për të stabilizuar borxhet e Brazilit.
Për Lula-n dhe partinë e tij të majtë ishte një pengesë për përmirësimin e jetesës në një komb ku rreth 60 milionë njerëz jetojnë në varfëri.
Sakaq, regjimi i ri fiskal vjen ndërsa perspektiva për ekonominë po ndriçohet.
Parashikimet për rritjen e prodhimit të brendshëm bruto për vitin 2023 janë rishikuar në një mesatare prej 2.3 për qind, nga 0.8 për qind në fillim të vitit, sipas një sondazhi të bankës qendrore të ekonomistëve, të nxitura pjesërisht nga lulëzimi i agrobiznesit.
Edhe Banka qendrore e Brazilit ka filluar lehtësimin monetar, duke ulur normën bazë të huadhënies me gjysmë pikë përqindjeje në 13.25 për qind këtë muaj.
Sipas kuadrit të ri fiskal, shpenzimet do të lejohen të rriten çdo vit deri në 70 për qind të rritjes së vitit të kaluar në të ardhurat e qeverisë.
Brenda kësaj, shpenzimet duhet të rriten çdo vit me një minimum prej 0.6 për qind mbi inflacionin, deri në një maksimum prej 2.5 për qind.
Marrë nga “Financial Times”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Tabaku: E pafalshme mungesa e vullnetit për të ndryshuar sistemin
-
Konjufca: Afrim Bunjaku e Enver Zymberi ranë në krye të detyrës, po mbronin atdheun nga Serbia
-
Sulmi para Lojërave Olimpike: 3 nga 4 linja hekurudhore të sabotuara, ‘vandalizëm’
-
Gjiknuri për ndryshimet në Kodin Zgjedhor: Në 5 qarqe, votim dhe numërim elektronik
Lajmet kryesore
-
Ndryshimet në Kodin Zgjedhor, OSBE: Shpresojmë që të respektohen kuotat gjinore
-
Gjiknuri për ndryshimet në Kodin Zgjedhor: Në 5 qarqe, votim dhe numërim elektronik
-
Obama mbështet hapur Harris: Do të bëhet një presidente fantastike e SHBA-ve
-
Komplikimet politike pas zgjedhjeve në Luginë dhe përfshirja e Kurtit për koalicion “shqiptar”