Konfirmohet data e trailerit të parë dhe posteri i ri i Joker 2

Joker 2, i njohur ndryshe si Joker: Folie à Deux, ka njoftuar datën e premierës së trailerit të parë dhe ka publikuar një poster krejt të ri.

Pamjet e para nga vazhdimi ngjitur me Batmanin do të shfaqen më 9 prill në Shtetet e Bashkuara, duke qenë orët e para të 10 prillit në Mbretërinë e Bashkuar dhe Evropë.

Shpresa kryesore e dashamirësve të personazhit është se kjo do të na japë pamjen tonë të parë të një përzgjedhjeje të numrave muzikorë, duke pasur parasysh drejtimin e pazakontë të filmit, i cili sa kuptohet, do jetë një muzikal i çmendur me vizion dhe performanca transformuese.

Ndërkohë, posteri tregon Arthur Fleck/Joker të Joaquin Phoenix duke mbajtur në një kërcim Harleen Quinzen/Harley Quinn të Lady Gaga-s, të veshur respektivisht me një kostum dhe një fustan, ndërsa janë ende në grimin e kllounit.

Zazie Beetz, e cila është duke ripërsëritur rolin e saj si ish-fqinja e Arthurit, Sophie Drummond, në vazhdim, foli për ndryshimin e zhanrit, duke thënë se “ka kuptim të mrekullueshëm” edhe pse tingëllon e çuditshme në letër.

“Nuk u befasova vërtet nga kjo. Todd ka pasur gjithmonë një qasje kreative ndaj personazhit. Unë i dua muzikalet dhe mendoj për to pasi personazhet po ndjejnë dhe përjetojnë aq shumë sa që mund të këndojnë dhe kërcejnë vetëm për të, pavarësisht nëse në pikëllim apo në gëzim”, tha ajo.

“Unë në fakt mund ta shoh këtë edhe brenda vetes time, sepse të kënduarit dhe kërcimi është një përvojë mjaft katartike për mua. Unë po kaloja një çast vërtet të vështirë në një periudhë të jetës sime dhe sapo fillova të kërceja dhe të qaja vetë. Dhe kjo ishte një shprehje që përputhej me vendin ku isha në atë moment”, vijon ajo.

“Kështu që unë mund të shoh Arthurin, i cili po ndjen dhe po përjeton kaq shumë, duke kërcyer dhe kënduar për të. Ai është Jokeri, kështu që mendoj se ka kuptim për mua”.

Joker: Folie á Deux do të shfaqet në kinema më 4 tetor.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.