Konferenca për shtyp e pengut izraelit u cilësua si katastrofike për Izraelin, fitore “imazhi” për Hamasin

Kritikat po vërshojnë pasi pengu i liruar Yocheved Lifshitz u shfaq duke lavdëruar robëruesit e saj nga Hamas dhe kritikoi Izraelin në një konferencë shtypi më herët gjatë ditës.

Transmetuesi publik Kan raporton se ekspertët izraelitë të Marrëdhënieve me Publikun (PR -ed.) po e quajnë vendimin për të vënë Lifshitz para kamerave një “gabim”.

Stacioni vëren se mediat ndërkombëtare po raportojnë tani për mirësinë e Hamasit në kujdesin për nevojat e pengut.

Në Israel Hayom, kolumnisti Eddie Rothstein e quan intervistën një “fitore propagandistike për Hamasin”.

“Çfarë gruaje e guximshme dhe e ndritur, nga ai lloj që menduam se nuk dalin më në Izrael dhe çfarë trajtimi të ngathët të ngjarjes”, shkruan ai. “E vërteta është se ju nuk keni nevojë të jeni ekspert i PR për të ditur se nuk mund të keni një konferencë shtypi si kjo drejtpërdrejt në TV”.

“Nuk ka dyshim se deklarata e Lifshitz mund të ishte menaxhuar më mirë”, shkruan në Twitter gazetarja e Channel 12, Daphna Liel, e cila shton se përshkrimet e saj ishin ende mjaft tronditëse.

“Kushdo që është i arsyeshëm duhet të kuptojë se kujdesi mjekësor që asaj iu dha kishte për qëllim që të mbante të gjalla pazaret e tyre dhe nuk erdhi nga mirësia e zemrave të tyre”.

Gazetarja izraelite Dana Weiss e quan konferencën për shtyp një “katastrofë”, duke vënë në dukje mungesën e ndërhyrjes së shtetit në menaxhimin e paraqitjeve të saj.

Tal Schneider i “Times of Israel” vë në shënjestër zëdhënësin e spitalit, i cili e vuri Lifshitz para kamerave, në vend të anëtarëve të familjes së saj, dhe më pas u mburr për aftësinë e tij për të marrë një “faktor wow” për gazetarët në Instagram.

“Nga pikëpamja profesionale, ky është një siklet për spitalin”, shkruan ajo në median sociale “X”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.