Komuna e Prishtinës ka anuluar koncertin e paraparë të mbahet live “Prite n’Shesh”.
Anulimi i përformacës live është bërë në harmoni me vendimet e Ministrisë së Shëndetësisë (MSH) dhe Institutit Kombtarë të Shëndetit Publik të Kosovës (IKSHKP) për të parandaluar përhapjen e variantit të ri të virusit Omicron.
Komuna e Prishtinës me anë të një njoftimi për media ka thënë se edhe aktivitetet e bizneseve në “Prite n’Shesh” do të vazhdojnë por vetëm deri në ora 21:30.
“Komuna e Prishtinës ju njofton se duke u bazuar në vendimin nr.01/46 të datës 30.11.2021 të Ministrisë e Shëndetësisë dhe IKSHPK-së për mbajtjen e rregullave të njëjta për parandalimin e përhapjes të variantit të ri të virusit Omicron.”
“Anulohen përformancat live në aktivitetin e organizuar nga Drejtoria e Kulturës “Prite n’Shesh” me qëllim të ruajtjes së shëndetit të përgjithshëm publik”, thuhet në njoftim.
Tutje thuhet “Gjithsesi, aktivitetet tjera të ‘Prite n’Shesh’ vazhdojnë deri në orën 21:30, ndërsa bizneset në fushën e gastronomisë do të operojnë deri në orën 23:00”.
Komuna ka apeluar qytetarët që të respektojnë vendimin e Ministrisë së Shëndetësisë që të mbajnë distancë mes tyre dhe të vendosin maskat.
Për fund, Komuna e Prishtinës ka uruar qytetarët me “Urime Festat e Fundivitit!”, thuhet në komunikatë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë