Biznes

Kompanitë e naftës dhe tregtarët e mallrave në rrezik nga sanksionet ndaj Rusisë


Ngado, kompani të mëdha të naftës janë në rrezik të ndërprerjes së operacioneve të gjera të biznesit në Rusi nëse Perëndimi ndjek sanksione “të pashembullta” kundër Moskës.

Shtetet e Bashkuara të Amerikës kanë vënë në dukje masat që do të synonin sektorin financiar të Rusisë dhe anëtarët e rrethit të brendshëm të presidentit Vladimir Putin, në vend të sanksioneve që do të prishnin drejtpërdrejt furnizimet me naftë dhe gaz rus në Evropë.

E që potencialisht do të rrisnin më tej çmimet e ngritura të energjisë.

Megjithatë, kërcënimi i G7-s për sanksione financiare dhe ekonomike mbi “një grup të gjerë objektivash sektoriale dhe individuale” mund të godasë ata që preken.

Të tillë si kompanitë e naftës BP, Shell dhe ExxonMobil dhe tregtarët e mallrave Glencore, Vitol dhe Trafigura, të cilët kanë biznes të rëndësishëm në vend.

“Sanksionet e gjera do të ishin vërtet problematike për sektorin e energjisë, edhe nëse ato nuk synojnë drejtpërdrejt eksportet”, ka thënë ekspertja e riskut politik, Livia Paggi.

BP zotëron thuajse një të pestën e prodhuesit më të madh të naftës në Rusi, Rosneft. Kurse rivali Shell kontrollon 27.5 për qind të projektit të madh të gazit të Gazprom-it në lindjen e largët të Rusisë.

Prodhuesi i naftës i mbështetur nga shteti ka qenë nën sanksionet e SHBA-ve dhe BE-së që nga viti 2014 kur Rusia aneksoi Krimenë nga Ukraina.

Masat u krijuan për të siguruar që Rosneft të mund të eksportonte ende naftë dhe gaz, por të pengonte rritjen e tij në të ardhmen.

Këtë, duke bllokuar aksesin e prodhuesit të energjisë në financimin perëndimor me një maturim më të gjatë se 90 ditë.

Po ashtu në teknologjinë dhe personelin e nevojshëm për aktivitete të caktuara eksplorimi.

Igor Sechin, shefi ekzekutiv i Rosneft, ka qenë gjithashtu në shënjestër të sanksioneve individuale që pengojnë shtetasit ose subjektet amerikane të merren me të.

Brian O’Toole, një ish-ekspert i sanksioneve në Zyrën e Thesarit të SHBA-ve për Kontrollin e Pasurive të Huaja, ka thënë se sanksionet mund të synojnë infrastrukturën e mesme, si tubacionet ose bizneset në rrjedhën e poshtme.

“Gjëra të tilla mund të jenë më të këndshme dhe mund të mos kenë ndikim në prodhimin aktual, por do të dërgonin diçka si një mesazh se sektori i energjisë nuk është plotësisht i paprekshëm”, ka vijuar ai.

Javën e kaluar, presidenti amerikan Joe Biden ka sugjeruar se sanksionet më të rënda do të synonin institucionet më të mëdha financiare të Rusisë.

Masa të tilla nuk do të kishin gjasa të pengonin kompanitë perëndimore që të merrnin ose të bënin pagesa për furnizimet me energji, por do ta bënin më të vështirë funksionimin e grupeve si Shell-i.

Sipas Helima Croft, një drejtuese globale e strategjisë së mallrave, ka thënë se administrata Biden ka vijuar të theksojë se nuk do të synonte drejtpërdrejt eksportet ruse të energjisë.

Por që disa masa në shqyrtim mund ta bëjnë atë “sfiduese” për kompanitë ndërkombëtare të naftës.

“Këto masa me sa duket nuk janë në krye të listës së zbatimit, por mund të përfshihen në raundin e dytë ose të tretë të masave ndëshkuese”, ka shtuar ajo.

Marrë nga “Financial Times”, përshtatur për Albanian Post

/Albanianpost.com


Lajmet kryesore