Pajisje

Kompania Meta paralajmëron shkurtim stafi


Kompania Meta i ka paralajmëruar punonjësit për pushime të mundshme nga puna në kuadër të “ristrukturimit të mëtejshëm”.

Shefi ekzekutiv Mark Zuckerberg ka përmendur mjedisin e pasigurt makroekonomik për ndryshimet.

Sakaq, njoftimi vjen pasi disa kompani të teknologjisë janë detyruar të ulin numrin e punonjësve në muajt e fundit, pasi shkurtojnë shpenzimet në pritje të një recesioni.

“Kisha shpresuar se ekonomia do të ishte stabilizuar deri tani, por nga ajo që po shohim ende nuk ka diçka të tillë, kështu që duam të planifikojmë disi në mënyrë konservatore”, ka thënë Zuckerberg.

Sipas tij, plani i kompanisë së teknologjisë është të reduktohet në mënyrë të qëndrueshme rritja e numrit të punonjësve gjatë vitit të ardhshëm.

“Shumë skuadra do të tkurren në mënyrë që ne të mund të zhvendosim energjinë në fusha të tjera dhe doja t’u jepja liderëve tanë aftësinë për të vendosur brenda ekipeve të tyre se ku të dyfishojnë, ku të plotësojnë dëmtimet dhe ku të ristrukturojnë ekipet”.

Po ashtu ai ka thënë se Meta do të reduktojë buxhetet në shumicën e ekipeve dhe se ekipet individuale do të duhet të zgjidhin se si të trajtojnë ndryshimet e numrit të punonjësve.

Në muajt e fundit, industria e teknologjisë ka vuajtur nga një ngadalësim pas një goditjeje suksesi që u përshpejtua gjatë pandemisë.

Mes një rënieje më të gjerë ekonomike globale, rritjes së normave të interesit dhe vështirësive rregullatore, shumë kompani teknologjike po ngadalësojnë ose ndalojnë punësimin.

Marrë nga “The Guardian”, përshtatur për “Albanian Post”.

/Albanianpost.com


Lajmet kryesore