Komediani Nigel Ng ndalohet në mediat sociale kineze për shakatë ndaj qeverisë

Llogaritë e mediave sociale kineze të komedianit Nigel Ng janë pezulluar, mes asaj që duket të jetë një goditje nga Pekini.

Ai, të martën e kaluar, postoi një klip promovues për shfaqjen e tij të ardhshme që tallte qeverinë autoritare të Kinës.

Llogaritë e Ng-së në Weibo dhe Bilibili u ngrinë në fundjavë.

Një mesazh në llogarinë e tij në Weibo, ku ai ka më shumë se 400 mijë ndjekës, thotë se “përdoruesit i është ndaluar të postojë pasi ka shkelur ligjet dhe rregulloret përkatëse”.

Ng të hënën e ripostoi videon në Twitter, këtë herë me mbishkrimin: “Për disa arsye ky klip mori shumë shikime fundjavën e kaluar. Pyes veten pse”.

Por kjo nuk është hera e parë që Ng tallet me mjedisin e rreptë mediatik të Kinës.

Në janar 2021, ai bashkëpunoi me Mike Chen, një YouTuber, i cili është një kritik i njohur i Pekinit në Twitter, për të prodhuar një video ku kritikuan një recetë.

Komediani 32-vjeçar më vonë hoqi klipin dhe postoi një falje në Weibo, duke thënë se “nuk ishte në dijeni të mendimeve të tij politike dhe vërejtjeve të tij të pasakta në të kaluarën për Kinën”.

Ng fitoi famë tre vjet më parë pasi postoi një video në YouTube, ku tallte moderatoren e BBC-së Hersha Patel për recetën e saj të orizit të skuqur me vezë, ku ajo kullonte orizin e gatuar në një kullesë.

Ai është objektivi i fundit në atë që duket të jetë një goditje nga Pekini ndaj komedianëve.

Javën e kaluar, komediani kinez Li Haoshi u arrestua pasi bëri një shaka duke i krahasuar qentë e tij me një slogan ushtarak.

Kompania që e punësoi atë u gjobit gjithashtu me një gjobë prej 2.1 milionë dollarë, një shumë e madhe në mënyrë disproporcionale dhe ka ngjallur frikën se komedia stand-up mund të zhduket në vend.

Li ka kërkuar falje për komentet e tij, por mund të përballet me tre vjet burg.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.