Klubi i Southampton-it në Premier League-n angleze, ku aktivizohet sulmuesi i Kombëtares së Shqipërisë, Armando Broja, ka ndërruar pronar.
Tashmë “shenjtorët” do të jenë në duart e biznesmenit serb, Dragan Solak-ut, që operon në fushën e medias.
Operacioni i shitjes së klubit kushtoi rreth 100 milionë paund. Solak-u bleu 80% të aksioneve që ishin nën zotrimin e sipërmarrësit kinez, Gao Jisheng-ut. Ky i fundit kaloi në krye te klubit në 2017.
Solak-u është themelues dhe president i “United Group”, një kompani televizive kabllore, interneti dhe telefoni celular që operon në Ballkan dhe në Evropën Juglindore.
Gjithashtu, “United Group” ka të drejtën për të transmetuar ndeshjet e Premier League-s në Serbi.
Kështu sipërmarresit kinez po largohen gjithnjë e më shumë nga futbollit evropian. Deri më tani kanë mbetur vetëm katër kompani që zotrojnë klube të mëdhenj: Inter (Suning), Wolverhampton (Fosun), Espanyol (Rastar Group) dhe Granada (Grupi i Desportit).
Megjithatë, ka ende pakicë në klube si Lyon, Manchester City, apo dhe Slavia Praha.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Komision i Posaçëm për sundimin e ligjin, Rama thirrje opozitës: Të punojmë për Shqipërinë evropiane
-
Me tensione të herëpashershme, mbyllet protesta e opozitës para Bashkisë Tiranë
-
Betimi i Putinit – Oligarkë, patriarkë dhe nipër sekretë
-
Kosova e Serbia s’mund të përfitojnë nga miliardat e BE-së pa i normalizuar raportet