Barcelona ka përfshirë një klauzolë të pabesueshme në kontratën e Robert Lewandowski-t kur ai nënshkroi për klubin nga Bayern Munich, është raportuar nga mediat në Spanjë.
Sulmuesi iu bashkua skuadrës së La Liga-s në vitin 2022 dhe pati një sezon të mirë debutues, duke e përfunduar atë si golashënuesi më i mirë në ligën më të mirë të Spanjës.
Ai ka vazhduar formën e tij në sezonin e tij të dytë, duke shënuar shtatë gola në 12 ndeshje në La Liga. Megjithatë, gazeta spanjolle “Sport” ka raportuar se Barcelona ka një klauzolë “tronditëse” në marrëveshjen e tij, e cila mund t’i shohë ata përfundimisht të ndërpresin kontratën e Lewandowski-t.
Raporti thotë se klauzola “i lejon Barçës të ndërpresë kontratën me Lewandowski-n në vitin e tij të tretë nëse ai nuk luan 55 për qind të ndeshjeve”. Kjo do të thotë se ai duhet të jetë titullar ose të luajë 45 minuta në ndeshjet e sezonit që ata të kontribuojnë në përqindjen totale.
Ndërkohë që tifozët e Barcelona-s nuk mund ta imagjinonin skuadrën e tyre pa 35-vjeçarin, në momentin që klauzola të hyjë në lojë ai do të jetë 36 vjeç.
Nëse Lewandowski pëson një dëmtim të rëndë ose i bie forma, Barcelona thjesht mund ta lërë të shkojë në vend që të vazhdojë t’i paguajë pagat e tij të larta.
Mbetet për t’u parë se çfarë do të sjellë e ardhmja për lojtarin dhe klubin e tij, por raporti i fundit nga Spanja do të jetë një surprizë për shumëkënd.
Lewandowski ishte padyshim një nga lojtarët më të mirë në futbollin botëror kur zgjodhi të transferohej në Spanjë, por a mund të ishte vendimi për të futur këtë klauzolë një lëvizje e zgjuar?
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
